بسم الله الرحمن الرحيم
هُنـــا اعــود من جديد
لو يجف الملح فجأه . . من شرايين البحر
وترجع اسراب الحمام اللي بعيد مهاجره
لو تعاف النار ترقص فوق عيدان الشجر
ويدمح المغدور غدر الغادر اللي غادره
لو سبع المعجزات اللي عرفناها عشر
وشفتهن قدام عينك شوف عين باصره
مانسيتك لو اموت من الغبينه والقهر
ولا سليتك والعيون بطيب خاطر ساهره
لاتقول انسى وانا مالي على بعدك صبر
خلني بس احتريك . . وخل قلبي خابره
يحتري وان غبت عني من دقيقه لـ الشهر
يحتري واللي تحرى في سواتي عاذره
لاتروح وتــبتر الوصــل وعناوينه . . بتر
ثم يحاصرني خيالك فالمسا . . واحاصره
يابعد من طاف قلبي واعتكف به واعتمر
يابعد حب كتمته . . . والعيون اتجاهره
ياغرام شق صدري من ضلوعي للنـــحر
ولا قدرت افتَك عمري من يده واناحره
تلني لاهيب تـــلة لاصديق . . ولا غـــدر
غصب عني كني المسحور واللي ساحره
مانفعني باس قلبي . . والشكاله والظفر
التفت . . ولا لقيت عـــزوم قـلبي حاظره
اكتشفت انك حظرت وغاب محظور البشر
واكتشفت ان الطبـيعه لو تباها . . سافره
ياكتاب فيه ســر الحسن كلَه . . مختصر
مايجيـبك حسن غيرك لو يجـيب محاظره
لا تقول انسى . . ولا تهتم فيَ . . وتـنتظر
ثم تغيـب وتـلحق اسراب بعيد . . مهاجره
وان عزمت تغيب تكفى اجل شوي السفر
لين ينشف في عروقي ملح بحرن خابره
بـــــــــاري القــــــــــوس
حاصل على ترخيص من وزارة الثقافه والاعلام السعودي
ان عزمت تغيب تكفى اجل شوي السفر
العرض العادي
