حسبي على وقتي وربي حسيبه=وحضن رماني بالوجيه المقاريد
اقفيت عنهم والحقوني بغيبه= ورمو مشاريهي على صحصح البيد
لي قصتن يابن معزي غريبه=من هول واقعها شكى لاهج الديد
صابروجاحدها وصارت مصيبه=وهرج المقرد عقدالوضع تعقيد
ماقدرو طيبي ودقني وشيبه=حطو علي من السوالف تراديد
والذيب سبه يرفعه مايعيبه =يرقى عن التفاق في نايف الحيد
والبندق اللي بالمرامي قريبه=عاله على اللي ينقلون البواريد
لو سقتها يم الهدف ماتصيبه=اتكذب الرامي ولاجابت الصيد
وعزي لقلبن فيه نارن لهيبه=نارن سناها يحرق الجاش ويزيد
من هرجكم ياهل الوجيه الكئيبه=يااهل النفاق امكذبين المواعيد
والعذر للطيب ويجزى بطيبه=والا الردي ماله علينا مناقيد
خيبه بوجه اللاش والفين خيبه=في وجه خبلن جاب لااصحابه العيد
ينقل علومن صاقطه من صحيبه=ويجيبها لمشوربين الاواليد
قلته وشعري يوم اغني وجيبه=مالي ورى بعض المعاني مقاصيد
مير البلا كلن يفتش بجيبه=وانا بعيد ورمعتي عنهم ابعيد
حسبي على وقتي....
العرض العادي
