بسم الله الرحمن الرحيم
اخواني اعضاءوزوار موقع الشاعر/غازي البراك
اقدم لكم هذه القصيده وارجو ان تنال على اعجابكم
بديت بسم اللي عن الشوف غايب = والنمله بسود اليالي يراها
للي خلق جنه ونار الهـــــــــــايب = سبحان خلاق البشر مانساها
ومن بعد ذكر الله جزل الوهايب = اللي بسط سبعن وسبعن بناها
مشيت بالدنيا وشفت العجايب = دنيآ شربت أمرورها مع حلاها
خريج دورات الزمـان الصعايـب ** في بردها في حرها فـي ضماهـا
وكشفت في دنيا الشقا والغرايـب ** حقايقـن ياكثـر منهـو غواهـا
ما كل من يرمـي للهداف صايـب ** ونوبن زعل نفس الفتى من رضاها
وما كل من يغزي يجيب الكسايـب ** نوبن يجي من كحل عينه عماهـا
وما كل قريبن صان حق القرايـب ** وليته سكت لاكن هرج في قفاهـا
لو يملك أحساس وضميرن تعايـب ** هرج القفى لاكن وقع في خزاهـا
كنه جهل قبرن عليـه النصايـب ** والذرتيـن اللـي تنـوع جزاهـا
وكم ضايعن عقله من الراس ذايب ** قبـل أيتاكـد صدقـه وابتـلاهـا
وكم شملن تشتت وانتهى والسبايب ** اهل النميمه لارحم مـن مشاهـا
وهذاك يستغفل شبابـن وشايـب ** وليا كشفته مانشد عـن خطاهـا
راعي مصالح بالمواجيـب خايـب ** رحلة حياتـه بالضعافـه قضاهـا
وبعض العرب يضحك وقلبه خرايب ** من دون ذنب الحقد نفسه رعاهـا
حيـة جبـل مسكانهـا بالزرايـب ** تقرص علي غفله وتزبن أخباهـا
وبعص العرب عايش حياته طلايب ** من الحبه القبـه لـك الله بناهـا
فاقد الصبر والعرف ضايع وسايب ** وياكثر ناسن عايشه في عماهـا
واحدن ربى مع ناقضات الذوايـب ** وبالهرج لو قابل كتيبـه محاهـا
علي السهل ويقول فوق الجذايـب ** وناسن أشهدت له ماعرفنا بلاهـا
وترى النشاما بالرخى والنشايـب ** ناس رفيع الشان ربـي عطاهـا
واللاش عصنن جاهزن للهبايـب ** من وين هبت طاعهـا ماعصاهـا
وماينجبر عضمن وهو حيل عايب ** والحنضله مـره وغيثـه سقاهـا
وجرحن يطيب وجرح ماهوب طايب ** وترى الوقايه تبعدك عـن دواهـا
والعاقل اللـي حاسبـن للعقايب ** بالدين والدنيـا بكـرب ورخاهـا
هذا وانا مـن محتميـن النوايـب ** بن رشيد اللـي عريبـن ذراهـا
ريف الجوار ومعطبيـن الضرايـب ** عز الدخيـل وضيفهـا ماشناهـا
وكل القبائل نعـم وقـت الحرايـب ** والحمد للي جاب منهـي شقاهـا
عبدالعزير اللـي يقـود الكتايـب ** اسـس قواعدهـا وعـلا بناهـا
بالحق سل السيف وقاد الركايـب ** وعقب ضلام الجهل نـور سماهـا
وصلاه من نطلبه دفـع المصايـب ** علي رسولن خير سريـه سراهـا
الشاعر // صلاح مطلق الرشيدي
</b></i>
حاصل على ترخيص من وزارة الثقافه والاعلام السعودي
// جــزل الوهـــايب \\
العرض العادي
