قصائد مختارة قيلت بالشيخ حسن بن معيوف الخياري الرشيدي

قصيدة مهداه من الشاعر/ محسن بن فالح الدوسري الى الشيخ حسن بن معيوف الخياري الرشيدي على مواقفه النبيله والمشرفة
وحسن بن معيوف غني التعريف له مواقفه المشرفة تجاه القبيله وغيرها ولايستغرب الطيب من هل الطيب .

سلام تسليم الوفا يامعازيب=ياأهل المعزة والوفا والكرامه
ياأهل الكرم ومكملين المواجيب=ولكم بفعل الطيب ذروة سنامه
ياطيبكم ياطيبين التراحيب=ياأهل النقا واهل الشرف والشهامه
يامتعبين بطيبكم من يبا الطيب=ولكم على روس المراجل زعامه
قول وفعل مافيه شكٍ ولاريب=بوجيهكم للطيب رمز وعلامه
بني رشيد اهل السيوف المحاديب=لاجا نهارٍ مثل يوم الزعامه
لاغطرفن للحرب بيض الرعابيب=وكثرت عزاوي لابسين العمامه
عيال عبس تشيب الخصم ويشيب=يردون حوض الموت دون الجهامه
بوقفاتهم من دون حرش العراقيب=يطوعون اللي براسه عتامه
ورفقت حسن تطلع بها الشمس وتغيب=من مبتدا الرفقه ليوم القيامه
وافخر بها من جد ماهي تجاريب=والمحترم يفرض علي احترامه
من شبته حتى كسا راسه الشيب=حط المراجل غايته واهتمامه
ضلعٍ يذري من سموم اللواهيب=وصفه مثل سنجار قمة وهامه
مزبان من صكة عليه اللواليب=وحزام من ضده زمانه وضامه
ينقل عنه ماتنقله شمخ النيب= ماهو بهلباجٍ تراعد عضامه
غطى على سالم وجساس وكليب=وغطى على فعل الهلالي سلامه
انا اشهد انه ذيب ومعقبه ذيب =وعلى خواله تاعبينٍ عمامه
وبعياله امدح واثني المدح ويصيب=عيال قرمٍ وارثين القرامه
ولد حسن بندر حصان الاطاليب=واخوانه اللي باللوازم حزامه
ماكر حرارٍ في علو المراقيب=ساسه عريب ولاتجيه الرخامه

******** type="text/**********">doPoem(0)***********

كذالك قصيدة مهداه من الشاعر مبارك بن شريان الشهراني (شاعر الجزالة)
إلى الشيخ حسن بن معيوف الخياري الرشيدي

سلام ياشيخٍ اوصافه عديمه=حسب الكلام اللي البشر عنه تحكيه
سمعة حسن طول الزمن مستقيمه =بني رشيد بسمعته تفتخر فيه
وانا امدحه بالسمعة المستديمه =والافنا مااعرفه الا بطاريه
لكن انا احب الرجال الحكيمه =واحب رجالٍ مشى درب اهاليه
قالو حسن عنده طموح وعزيمه =فقلت ابوه اللي عليها مربيه
رباه ووصاه والوصاه السليمه =وجا فوق ظن الشايب اللي موصيه
شيخٍ شمخ طيبه بيمنى كريمه =لافعال ابوه وجده اللي تناديه
وليا مدحته مامدحته ظليمه =انا امدحه من طيب فعلٍ يسويه
طيبه مع الاجناب عندي غنيمه = ورجلٍ يطول شاربي بافتخر فيه
وباامدحه وله المحبه حميمه = والمدح مايستاهله غير راعيه
للشيخ بن معيوف سمعه وقيمه = من سمعته كلٍ يعزه ونغليه
وهو الشجاع اللي يذلل خصيمه = وهو الحزام اللي يشد الظهر فيه
صفحات جده بالمراجل مقيمه =عبس القديم اللي يقال المثل فيه
ماينتصر من كان عبسٍ خصيمه = ولاينهزم من كان عبسٍ مواليه
انتم سلايل عبس نخوة وشيمه = الرجل منكم واضحاتٍ مواريه
نخوة رشيدي بالمواقف عظيمه = دايم على حوض المنايا توديه
حرابكم يرفع شعار الهزيمه = ودخيلكم يامن وينسى طواريه
وحسن ورث طيب الجدود القديمه = تعرف مواقيفه وتعرف مباديه
عنده على العليا طموح وعزيمه = شيخ ٍشمخ ومعربات ٍ مجانيه
وسلام ياشيخٍ صفاته عظيمه = حسب الكلام اللي البشر عنه تحكيه

******** type="text/**********">doPoem(0)***********

الشاعر /مبارك بن شريان الشهراني

نعماً يابوبندر زعيم الخيارات=منصى الركاب اللي عليها الاشده

رجال يحسب من رجال المهمات=ولاعدو زحول النشاما نعده

معرباًمابه عروقٍ رديات=من راس ابوه وراس خاله وجده
والا الردي راع العروق الخبيثات=اليانوى بالطيب عرقه يرده
ولاتمدح الا شيخ شرواه بالذات=عزالله انه كفووالمدح قده
ان قلت له هداج مروالمحيمات=ولاهو نفاق ان قلت له بحر جده
وان قلت مثل طويق بين المنيفات=ترتاح في ظله وتجلس بسده
وان قلت حلال الامور الصعيبات=لاعقدوها اهل الوجيه المصده
وان قلت شيال الحمول الثقيلات=في ماقفن غصاب ماعنه صده
يرسي كما ترسي جبال السروات=اللي على طول الدهر مستعده
وان قلت له في حزة الضيق فزعات=مزبان من حده زمانه وضده
وبالشر مايعطي للاخصام فرصات=كم من خصيمن وقفه عند حده
من سد مارب لين تات القريات=كلن يكن له الغلاوالموده

وقحطان وسبيع وبلي والحويطات=واهل الشمال اللي ورى المستجده

******** type="text/**********">doPoem(0)***********

مجوعة رائعة من القصائد لللشيخ حسن بن معيوف الخياري الرشيدي


العاب طبخ