على سحر المشاعر بت قرطاس القلم هالحيـن !
صفا ذهن ..وقلم شاعر عميق يترجم إحساسـه !
ذخر نفسه لدينه والوطن من قبـل عشـر سنيـن
من اول بيت نازفه القلـم فـي وسـط قرطاسـه
يقول إن الوطن أغلى من عيون المهـا والزيـن
على شان الوفا يبنـي طموحـه والـولا ساسـه
يعيش وسارعـي للمجـد خفاقـه مـع الوافيـن
يمـوت وسيرتـه تبقـى ..تـأدي دور أنفاسـه
شعاره وارفعي الخفاق الأخضر ..كل وقت وحين
لأنه يحمـل النـور المسطـر بيـن ..هوجاسـه
يجـي ويـرددون الله أكبـر يافتـى الغالـيـن
سعودي والسعودي مااذكر انه قد حنـى راسـه !
نعم قد عشت فخر المسلمين من الزمـان الشيـن
الى عصر(ن) يقودك فيه ابـو متعـب ونبراسـه
أجل عاش الملك!..عاش الوطن عاش العلم والدين
يموت الذل ..يحيا العز سهـم (ن)بيـن أقواسـه
نثرتك للسحاب....وهلـت الديمـه تبـل الطيـن
واكتسـت ثـوب الـورود ولمـعـة المـاسـه
سألت أغلى الورود وش هاللباس اللي يسر العين؟
تجاوبنـي ..تغنـي زينـة الملـبـوس لبـاسـه
فديت الزعفران وريحة الشيـح وشـذا النسريـن
من السوده الين اقصـى مكـان بأهلـه وناسـه
فديت أميرها فيصل وريث المجـد مـن الجديـن
بفضله أصبحت أبهـا جميلـة قـد .....مياسـه!
وانا ياسيدي شاعر ..ولي مبـدا واحفظـه زيـن
جميل يسدله غيـري علـي أولـع .....قباسـه
يشوفه كل من له قلب..يدعي لـك واقـول آميـن
عسى الله يحفظـه والقلـب مدهالـه ومجلاسـه
فعولك كل قاسي مـن الرجـال يلاحقـك ويليـن
وعن اذنك سيدي عندي كلام وبطلـق إحباسـه!!
يوم اني جيت قبل أربع شهور وفوقهـا شهريـن
نصيتك في لزوم ماله إلا مثلـك ...فـ(باسـه)!
وقفت ووقفتك ماهي غريبه وانت ابـو الثنتيـن!
ابو كل الجمايل والتواضع ....يشكـي إفلاسـه!
خذيته ومابقى لغيـرك سـوى إنـك تمـده ديـن
ولـك هيبـه لياحـان اللـزوم ودقـت أجراسـه
وأبختم سيدي كل الكلام في بيـت مـن شطريـن
وهو باسم الجميع وشاعـرك بيترجـم إحساسـه
إذا ابها البهيـه ..تجمـع القاصيـن والدانيـن!؟!
فانت اللي جمع كل المراجل مـن وفـا راسـه!!
لكم ......أعذب تحياتي .......
منقول الشاعر فهد الشهراني
من اجمل ماقريت من قصايدفي حياتي
العااااااااااااااااااااااااااااقل
حاصل على ترخيص من وزارة الثقافه والاعلام السعودي
ابهاء
العرض العادي
