من جديد الشاعر الكبير / عبدالله بن باتل الرشيدي قصيدةتحمل مشاعر الشعر
لجمهوره وفخر انتماء لقبيلته بني رشيد
بعنوان ((( العبسيه )))
يقول عبدالله مـن القـول مايطيـب=من خاطرن من قبل لايطيـب طابـي
للفرض وضـوء وللمـولاه ترتيـب=ومكه لهـا اهالـي تعـرف الشعابـي
شاعر واللي بالشعر قصـه وتنقيـب=مانـي رسـول ولايجينـي منااااااابـي
ومن هيض مدري غيض مدري مطاليب=انساق شعري مثل سـوق السحابـي
والشعر هيض وغيـض ولا مواجيـب=ولا ســؤلا يستـحـق الجـوابـي
والشعر شاهد صدق ماهي تلااااعيـب=عند الرجال اللـي تهيـب وتهااابـي
والشعر مـن رب الخلايـق مواهيـب=ولايجـئ تدريـس ولا اغتصـابـي
والشعر أودي فيه واقـول واجيـب=وبليـت غصـب بحكمتـه مأبتلانـي
يامـا لقيتـه فـوق روس المراقيـب=وياما علي وسـاع الخرايـم سرابـي
وياما انزويـت وزارنـي بالسراديـب=ويـا مـا بقمـرات اليـال التقابـي
كلام يصبغ صبـغ فـوق الاشانيـب=ويغث كبد اللي مـن النـاس هابـي
ولاعللـي بصـدق ماقـول تثريـب=الله يلـومـك ياكبـيـر العـلابـي
انـا دخيـل الـذي للدعـا تجيـب=عن الصلـف والكبـت والاكتأبـي
وعن السموم العارضـه واللواهيـب=وعن ظغط سبـة ظغـط ولا التهابـي
والحر مكـرم فـي جنـاح ومخاليـب=لاكن ذليل ان كـان شـاف العقابـي
ماقلتـه الا بعـد قصـه وتعـذيـب=قبـل الزمـن ماستاذنـه بانسحابـي
والله حـط لكـل شـئ تسابـيـب=وابا اخبـرك عنهـا وفيهـا ومابـي
علي حسب دنياك تبعييـد تقرييـب=والقـول عنـد البعـد والاقتـرابـي
وخط(ن)تخطه قصد في صفحة صحيب=يمحاء شوي شـوي مثـل الخضابـي
وجساس ماينلام فـي ذبحـة كليـب=ان زاد في عيونـه غطـاش وظبابـي
واترك كلام اشباه بعـض الدغاليـب=واسمع كلام (ن) فيه للصـدق بابـي
وانا من اللـي ينغصـون المشاريـب=لهـم انتمـي وترابهـم مـن ترابـي
وسامـة الكفـه زبـون الهنـاديـب=يحفـون لياركبـوا خفـاف الركابـي
يازين كفتهم علـي الفطـر الشيـب=لياسنحـة بفخـوذ عـوج الركابـي
ماهم بضارين (ن )علي شقة الجيـب=ولا قطعـت فيهـم عجـوز ثيابـي
يوم بيوم العبـس والقبـس ماتهيـب=يتسابقـون المـوت شيـب وشبابـي
دخيلهم يأمـن وينسـي العواقيـب=والله ليبطـي عنـدهـم مايجـابـي
ولهـم بخوتهـم شهـود الاجانيـب=ومـن يحفـظ الخـوه يعـز الجنابـي
ولنـا بديـن الله حبـال ومقاضيـب=نصللي علي محمـد ونقـراء الكتابـي
كان الزمـن انـدار دورة دواليـب=لنا مـع ارض الله صدور(ن)رحابـي
والجن له لعب(ن)علي غفلـة الذيـب=ويمرق بحلق الذيـب مـرق الذبابـي
وبواردى رمايهـم لارمـى يصيـب=يصيـب مـن يرميـه قبلـه يصابـي
قوم (ن)لياجار الزمن تاكـل الذيـب=والظبعـه اللـي تختفـي بالمخابي
كم واحد (ن) ظنه لياجاهـم يخيـب=ولايعود كان سلـم بعـد الذهابـي
ولايجوزون بسلمهم كـل خطييـب=رأفـه بقـاروره وحمـيـاا ثـوابـي
وفقيرهم من عـزة النفـس مايعيـب=وغنيهـم عـن واجـبـه مايغـابـي
رجالهـم ياتـي بكـل الاسالـيـب=وعقيدهم بالوصـف كنـه صحابـي
حامين الوادي سنيـن (ن ) جراديـب=قبـل زمـان العولـمـه والكبـابـي
المـاء القـراح ومثمـرات المذانيـب=عاشوا علي هـذا السنيـن الجدابـي
والطيب باهله مثل طيب علي طيـب=ويروح عنـد اهـل النذالـه هبابـي
ولاقلـت مافيـه شـئ تعاجـيـب=هذا القصيد انكـان فيـك انجذابـي
هم تاج راسـي بالسنيـن المعاطيـب= ان كـان صارالوقـت فيـه انقلابـي
وكم غثبرو من جمـة المـاء غثاريـب= يردون للمـاء ورد شهـب الذيابـي
ماحسدوا الا من شجاعه ومن طيـب=كم واحدن (ن) ينعب نعيب الغرابـي
مجهد واهو فيهـم يـدور عذاريـب=ولا لقـاء شـئ عليهـم ايجـابـي
معربـيـن مجربيـنـن تـجـاريـب=ولانصقـل الا بالسنيـن الصعـابـي
ومن فيه شكه في كلامـي وتكذيـب=يسـأل ويلقـي للسـؤل الجـوابـي
عند الرجال اهل الذمـم والمعازيـب=ويلقي لهذا القـول فصـل الخطابـي
عن مدحهم مالـي مجنـب وتجنيـب=والشعر له فيهـم بيـوت(ن) عذابـي
ولا يهمك اللي يشذبـون العراقيـب=اهـل العيـاب المختفـي والخيابـي
رشايده من عبـس مايريبهـم ريـب=عنـد التخاصـم حـق ولا الطلابـي
ويسرون في سود اللياللـي الغرابيـب=وطريقهـم بيـن الجبـل والهضـابـي
ومن قبل ماتطلع ومن قبـل ماتغيـب=تسمـع دنيـن نجورهـم بالمنـابـي
واترك كلام اشباه بعـض الدغاليـب=الشلـه اللـي بالمجـالـس تبـابـي
اقولهـا بالصـدق ماهـي تلاعيـب=بالصدق ماحسبت لأحد(ن) حسابـي
والقلب فاسد كـان مافيـه تأنيـب=ولـود يبقـي داام يوجـد عتـابـي
مابين ترغيـب ومـا بيـن ترهيـب=بينهـم هـذا النـظـام الصـوابـي
ولاتزعـل الاا واحد(ن)فيـه تهريـب=خطـو العتـل ابـن الزنيـم المرابـي
******** type="text/**********">doPoem(0)***********
الشاعر عبدالله بن باتل الرشيدي
وتقبلو تحياتي : منقوول
حاصل على ترخيص من وزارة الثقافه والاعلام السعودي
العبسية جديد الشاعر عبدالله بن باتل الرشيدي
العرض العادي
