لقد حضرت وامطرتنا فرحا ياسمو الامير ,
شكرا لك على اصغائك لمشاعري شكرا لك على الاطراء الذي اكرمتني به , وكل كلمه قلتها بحقي وساما على صدري ودافعا حقيقيا لي لمواصلة مسيرتي الشعرية
كل الشكر والتقدير لشخصك الكريم , لقد تشرفت بألقاء قصائدي أمام أمير وسيد من سادات العرب , شكرا لك ياابن الامير مشعل وحفيد سعود بن عبدالعزيز , شكرا لك سيدي فيصل بن مشعل بن عبدالعزيز آل سعود ,
سلام واحكامه لنا فرض وسلوم = تحية الاسلام في شرع الاسلام
سلامٍ احلا من لبن فطرٍ كوم = وضحٍ على حيرانها ترزم ارزام
في روضٍ اخضر والسماء برق وغيوم = مايزعج النايم رعدها اليا نام
سلام في عقدٍ من اللول منظوم = بوح المشاعر دوّنه حبر الاقلام
على الحضور يعم ويخص زيزوم = فيصل ولد مشعل ذرى كل منضام
ابن الامير اللي امقدر ومحشوم = وحفيد من فيه الكرامه والاكرام
الي الشرف وانا بالاشعار ملزوم = من دافعٍ في حب الاكرام مايلام
للشعر فرصه لاحضر مثل هاليوم = وللشاعر الفرحه بتحقيق الاحلام
أما ايتعثر في مكانه ولايقوم = وإلا يقوم وقومة الخير لاقام
الشعر في راسي هواجيسه اتحوم = وده على امواجه سموك من العام
استاذنك ياسيدي عندي علوم = من راس ماهي من محطات الاعلام
كنت انتظر هاليوم في حبة اخشوم = واليوم جادت في مواجهك الايام
واللوم مني وأنت مايلحقك لوم = بابك امشرع للاحبه والاخصام
وأن كان تاخيري امقدر ومقسوم = فأنا ربحت اليوم والخير قدام
الخير في وجهك عسى عمرك يدوم = ومن عهد ابو تركي عزيزين واحشام
يوم إنها في عصر هازم ومهزوم = وحنا بخير ونصر وبعز وانعام
مافيه فرقٍ بين حاكم ومحكوم = من دون بيت اللـه جنودٍ وخدام
بالسمع والطاعه لكم دايم الدوم = عهدٍ توارثناه من عصر الايمام
عبدالعزيز امطوع القوم للقوم = صقر الجزيره للمشاهير مقدام
ياللـه عساه بجنة الخلد مرحوم = وياعلها تشمل خواله والاعمام
والناس فيهم بين معطى ومحروم = وحنا عطانا اللـه بلادٍ وحكام
حكامنا آل سعود شجعان وقروم = وبلادنا مهبط وحي قبلة اسلام
مافيه لاظالم ولافيه مظلوم = الشعب راضي وآخذٍ حقه التام
في ظل ابو متعب زبن كل مضيوم = اللـه يمتع بصحته أعوام وأعوام
******** type="text/**********">doPoem(0)***********تحياتي / جمعان خلف الرشيدي
حاصل على ترخيص من وزارة الثقافه والاعلام السعودي
للشعر فرصه لاحضر مثل هاليوم :
العرض العادي
