صوت من شاعر علم وصدى من شاعرقدير وابن شاعر رمز من شعراء بني رشيد

اخواني اعضاء وزوار موقع الجميع موقع الشاعر الوقور والانسان الخلوق غازي البراك اطال الله بعمره والبسه ثوب الصحة والعافية وجزاه المولى كل خير على مابذل ويبذل من مساعي مشكوره من خلال هذا الموقع وغيره.
السلام عليكم ورحمة الله وبركاته وكل عام وانتم بالف خير وصحة وعافية وتوفيق وبعد :-

في احدى المناسبات قال الشاعر العملاق والداهية العلم عوض خيران العازمي الرشيدي هذه القصيده .


1-ســلام يالي يرفع الرأس طــــاريه == وكلمة نعم تكسيه عرضه وطوله
2-يمــدح بفــزعاته وتشكر مساعيــه == وراعي شهاميه وراعي بطــولـه
3-وشــاهـــدته قد سلمت لــه بأياديه == من ريس الدوله لرجــال دوولـــه
4-وعارف قبل هذي وهو معترف فيه == بــاعه طويــل ويشهدلــه فعووله
5-وفكري وشعري والقصيدة تحيـــه == ولا ارضى علي ولا عليه الميوله
6-وللطيب مــــاريه على وجه راعيه == وراع الوفى والطيب ماالله يزوله
7-وعارف محنك والشجاعه تبـــاريه == ورثن لبن عجــوين منذ الطفولــه
8-ســم لخصمه وعـــــز لبني خيــــه == وفيه الكرم والمرجلـه والرجووله
9-وانا امدحه واقف معه واعتزي فيه == وازبن عليه ليــا فقدت السيوولــه
10-لأنه ســـداد ولا تغــتره هقــاويه == وأبن الحمــوله يرتكي للحمــولــه
11-وطيب السنافي طول عمره مكفيه == والطيب صعب ولايجي بالسهوله
12-ورجــال دايـتـم ودك انك تخـاويه == ورجــال ماودك تطــالع بزوولــه
13-ورجــال رزقه مــا يفارق مخابيه == وعلــى النذالـه بس يسرج خيوله
14-وراع الرداء خايب وخاب الرجاء فيه == وراع الكرم عشى ضيوفه ذلوله
15-وبيتن عن العزقات تزبن لراعيه == مثله مثل عــارف وقالــو واقولــه
16-يعطي من الي معطي الخلق معطيه == وراع المكارم والعطى صفقوله
17-وانا فقير ولا معي شيئن اطريه == والماء بعيد ولا تقربت حوله
18-واشره على الطيب وراعي مشاريه == ووصل الشرهه لرؤس الزحوله
19-والذيب ذيب ولاتهمه مساريه == يكسب ويفلس حافياتن رجوله
20-وتمت وابن عجوين دامت لياليه == وكلمة نعم تكسيه عرضه وطوله
---------------------------
وقد جاراه الشاعر القدير دغيم بن حامد وهو ابن شاعر بني رشيد الشهير حامد بن عجوين بهذه الابيات.


مني لآبو سامـي سـلام منقيـه == سلام ن احلى من كلام ن نقولـه
الشاعر اللي طيبـات ن مجانيـه == اللي خذا بالشعر صولـه وجولـه
شاعر علم ما يختفي لـو تخفيـه == لا عدو فحول الشعر من فحولـه
يشيل حمله كل مـا بركـت فيـه == جمل للشيل يرتكـي للحمـولـه
شاعر ليا قال الشعر من يجاريـه == يا عنك ما قال البيـوت الخجولـه
للمدح رجل ن وللشعـر راعيـه == والمدح يا زينه ليا جاء وصولـه
مدحت لك رجل ن بعيده مساريـه == ومدحك لرجال ن يعـم الحمولـه
وما هي غربيه قد خذوها عوانيه == ويوم ن كلن ما يجيب محصولـه
طيب ن جديدن مستمدن لماضيـه == يوم الزمان الشيـن كلـن يقولـه
قد قالها طالب زمـان المشاريـه == من مر بن عجوين نـوخ ذلولـه
وهذي ربوعه ماشييـن مماشيـه == والطيب فيهم فطره من الطفولـه
الطيب نفخربـه ونفخـر براعيـه == وكلمه نعم يستاهلـه مـن ينولـه
وعارف وربعه والنشامـا تحيـه == وهذا عوض خيران يذكر فعولـه
ليا عطى يعطي ولا تبخـل يديـه == ولا مد مداتـه ماهـي بالسهولـه
يعطي بسر ولا يبى الناس تطريـه == يبغى تجيه من العزيـز محمولـه
يوم ن كلن يطلـب الـرب ينجيـه == في ساعه فيها العقولـه بذهولـه
ماهو من اللي كل حفل ن يجي فيه == اللي مع الحفلات يشعـب رحولـه
يبغى الشياخه بس ما عاد يمديـه == فاتت علية راع الذلـول الجفولـه

امل ان ما اخترته لكم من مشاركه يحوز على رضاكم واعجابكم والسلام عليكم ودمتم بخير

صح لسان الشاعر
ومشكور على النقل

صوت وصدى ابداع في ابداع لله دركما شعراء مبدعين

ابو عبدالمجيد يستاهل كل خير .

مشكور على النقل الرائع

اقتباس:
المشاركة الأصلية كتبت بواسطة عوض البراك
صح لسان الشاعر

ومشكور على النقل
----------------
عوض البراك شاكر ومقدر مرورك الكريم والله يحفظك

اقتباس:
المشاركة الأصلية كتبت بواسطة وليد البراك

صوت وصدى ابداع في ابداع لله دركما شعراء مبدعين

ابو عبدالمجيد يستاهل كل خير .مشكور على النقل الرائع

-----------------------------------------------------------------------------------------------------------------------

مرور وليد البراك شرف لي -لك خالص مودتي وتقديري

وعليكم السلام ورحمة الله وبركاته

بيض الله وجهك يا غنام على تعبيرك اللي اعتبره تشجيع لي جزاك الله خير

صح الله السنت الشعراء لكن والله كل ما قيل قليل في حق صاحب الوقفات المشرفه التي نادره في هذا الزمان الايهونون النشاما عيال الحمائل من كل القبائل

لكن انا اشهد با الله ان ابو عبدالمجيد راعي فزعه وراعي مده كريم شجاعه كل صفات الرجواله والعلم الغانم والمعرفه توجد في هذا الرجل اطال الله بعمره

على طاعته الشعراء يستاهلون والممدوح يستاهل تم تصميم بنر لمدة شهر وبا لله التوفيق

صوت وصدى ابداع في ابداع لله دركما شعراء مبدعين

ابو عبدالمجيد يستاهل كل خير .

مشكور على النقل الرائع

صوت وصدى ابداع في ابداع لله دركما شعراء مبدعين
عوض خيران ودغيم ابن جوين
شعرا لهم باع طويل بالشعر والممدوح
ابو عبدالمجيد يستاهل كل خير
وشهادتي فيه مجروحه

مشكور على النقل الرائع ياغنام

صوت وصدى ابداع في ابداع من شعراء غنيين بالابداع وجزالة الشعر
صح الله لسان الشاعر عوض بن خيران ولسان الشاعر القدير دغيم بن حامد
والممدوح ابو عبدالمجيد يستاهل ولاهو غريب عليه المدح وفعل الطيب
وشهادتي فيه مجروحه
والف الف شكر لك الاخ غنام على هذا والاطراء الشيق دمتم بحفظ الله ورعايته

عوض بن خيران ودغيم حامد بن عجوين
شعراء لهم باع طويل بالشعر وابو عبدالمجيد يستاهل كل خير ولايستغرب منه الطيب والف شكر لك ياغنام على هذا النقل الرائع