لمن هذه القصيده ؟؟ وهل هي في امه ام في ابيه ؟؟ قيل انها ...

حزينة والدموع اللي مطرها وابل وهتان

تجاوب صرختي الثكلى وتشهد عمق مأساتي

ولا يشعر بهمي كود من عاش العذاب الوان

فقط أنسان بآهااته عرف وش عمق آهاتي

يا أطهر قلب يابوي ياروح الروح والوجدان

رحلت واحتسبت الحزن وعيوني وعبراتي

أناظر غرفتك واسمع سؤال الرف والجدران

وسجادتك تسألني عليك بكل الاوقااتي

وصوت الليل في أذني رياح تحرك البيبان

ووحشة ليلي الحاالك وزفراتي وصرخاتي

تنادي من زوايا غرفتك وينه أعز انسان

وتقطع روحي الحسره وانا في غبط ويلاتي

وبدون شعور وين ابوي ووينه عزتي سلطان

ويرجع لي صدى صوتي ولابه من اجاباتي

وحيده والعمر يرحل على سكة سفر واحزان

وذاتي يشتكي حزني وحزني رافقه ذاتي

بدونك والله يابويه حياتي كلها حرمان

كئيبه حايره ضاعت بعد فرقاك بسماتي

عسى مسكانك الجنه ولك من ربي الغفران

من ماراق لي ابيات اعجبتني واحببت مشاركتكم فيها .. ولكن لا ادري لمن هذه الابيات ..وانا سمعت انها قيلت في ام الشاعر .. وانها غيرت وحطت لرجل ..(غُيَرت كلمة امي = بابوي )

وحيث ان هذا البيت لا يركب على الرجل ؟
أناظر غرفتك واسمع سؤال الرف والجدران

وسجادتك تسألني عليك بكل الاوقااتي

والرجل كالعاده الصلاة في المسجد ..

اريد منكم ابلاغي لمن هذه القصيده وهل هي في رجل ام امرأه ؟

اخي بدر احييك انت وماراق لك
وصح لسان شاعرها ورحم مفقودها
وكان ودي يكون عندي توضيح لمن & او بمن
ولاكن معذره ليس لدي اي معلوه
يامراقبنا العزيز
تقبل ود وتقدير اخوك ابو عبيد

بدر مشكور على نقل القصيده ومن قراتي للقصيده يوحي انها قصيدة حرمه في ابيها اما منهيله القصيده لااعرف صاحبها وشكرا

اقتباس:
المشاركة الأصلية كتبت بواسطة ابوعبيد
اخي بدر احييك انت وماراق لك
وصح لسان شاعرها ورحم مفقودها
امين..
وكان ودي يكون عندي توضيح لمن & او بمن
ولاكن معذره ليس لدي اي معلومه
يامراقبنا العزيز
تقبل ود وتقدير اخوك ابو عبيد



مرحبا ابو عبيد شاعرنا العزيز ..

مروك هو بحد ذاته شرف لي ..

وبهجة بمتصفحي ..

اقتباس:
المشاركة الأصلية كتبت بواسطة ناصر خنيفر
بدر مشكور على نقل القصيده ومن قراتي للقصيده يوحي انها قصيدة حرمه في ابيها اما منهيله القصيده لااعرف صاحبها وشكرا



شكرا لك اخوي ناصر خنيفر ..

وانا ايضا على فهمي انها كذلك انها لبنت في امها ..

شكرا مرة اخي لك يابو تركي .. ومرورك شرف لي ووسام على صدري ..

اشكرك بدر البراك على نقل هذه القصيده,

ولكن ,الان القصيد اذا لم يدوون او يحفظ لصاحبه ؟ سوف يضيع مباشره !! وهذه قصيده ربما كتبت في النت ولم يدون صاحبها وهذا مما يسبب في سرق القصيده غالباً .

وانا لي عم يقال له محمد بن عياد رحمه الله فيه له قصيده تغنى مع اهل الطبول في الزواجات والمناسبات, وعندما سألت لمن هذه القصيده لم يجبني احد ؟
فالمشكله هنا من صاحب القصيده اذا لم يدونها او يكتب الناقل للقصيده انها لفلان فسوف تضيع حتما .

وتقبل تحيااتي .

صح السان شاعره وسلمت يد ناقله

تقبل مروري

بدر البراك يسعد مساك بكل الخير

قصيدة رائعة فعلا ولكن لاعلم لنا بذلك طال عمرك

مرور فقط وتقبله ...

بدر البراك وشرايك عشان تحل المشكله تحط انها لك وانتهت السالفه .

مادام انها معجبتك ولا احد يعرف راعيها . وقل انا كنت بختبركم كيف قصيدتي ؟

ههههههههههههههه

وتقبل مروري .

اقتباس:
المشاركة الأصلية كتبت بواسطة حمد بن علي
اشكرك بدر البراك على نقل هذه القصيده,

ولكن ,الان القصيد اذا لم يدوون او يحفظ لصاحبه ؟ سوف يضيع مباشره !! وهذه قصيده ربما كتبت في النت ولم يدون صاحبها وهذا مما يسبب في سرق القصيده غالباً .

وانا لي عم يقال له محمد بن عياد رحمه الله فيه له قصيده تغنى مع اهل الطبول في الزواجات والمناسبات, وعندما سألت لمن هذه القصيده لم يجبني احد ؟
فالمشكله هنا من صاحب القصيده اذا لم يدونها او يكتب الناقل للقصيده انها لفلان فسوف تضيع حتما .

وتقبل تحيااتي .



بيض الله وجهك يابو علي على هذا التوجيه ..

وكم اسعدني مرورك ..