السلام عليكم ورحمة الله وبركاته
اخواني الزوار الكرام
هذه مراسله جرت بيني وبين الشاعر ناصر خنيفر عضو ديوانية شعراء النبط في دولة الكويت
يقول ناصر
[poem=font="arial,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـاغـازي الـبـراك ياطـيـب الـفـا لا=لله يجيـرك مـن بــلاوي صـدوفـه
ابشرح اوضاع ٍ طرتلي على البال=شين نشوفه وانـت يمكـن تشوفـه
مريت دران شوفها يسـرق الحـال=جردن محل فيها العشب ماتشوفه
مامرهـا مـن وابـل الوسـم هـمـال=مزنـن تيامـن عنـه واخـر يطوفـه
من ذنب ناس ٍ همها جمعة المـال=ماشاف مصـدر ماتحوشـه كفوفـه
ولال الكبير بوسطهم قـدر وجـلال=وبالكـذب والبهتـان ياكـل كتـوفـه
راحم هل الطـولات حمايـت التـال=هـل التراحـم بالـرخـاء والكلـوفـه
التلاهم اللـي شيعـو زيـن الافعـال=راع الدلال اللـي ماهـي بمحروفـه
اللي يزوره مـن بغـا شـف فنجـال=وقبـلـه رجــال ٍ طيـبـه ومعـروفـه
واليوم مابقن سوى خمسة رجـال=وحجم القمـر قـام ايتدانـا كسوفـه
وقصـرت رجليـه بالقـفـا ولاقـبـال=مالـي بعنواتـن مـاهـي بمخلـوفـه
بالـدار مالـي عقـب ذولاك مـنـزال=فـي ديرتـن قامـت تثـلـم صفـوفـه
الحي جعله يهتـدي زيـن الاعمـال=ومـن مـات ياربـي تهـون وقـوفـه
في ساعتن مايفيد مـال ٍ ولاعيـال=ملوكهـا ماعـزلـت عــن ضعـوفـه
بس العمل غيـره فـلا فيـه مدخـال=في وسط غارن موحشات ٍ لجوفه [/poem]
وهذا مردي امل ان ينال على ستحسانكم
[poem=font="arial,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه جانـي مـع النـت مرسـال =الناس مرتاحه وانـا قـرى حروفـه
أقـر وفكـر واتخيـل بـا لامـثـال=وحس قلبي يرتجـف وسـط جوفـه
قمت اتخيـل مدهـل العـم والخـال=ذيك الديار اللـي عليهـا الحسوفـه
ماحي شجرها والموارد على الجـال=والناس صارت من بلادهـا عيوفـه
ماباقـيً زارع ولاشــوف وبــال=وعجف السنين مع الاهبايب تلوفـه
يـا الله ياعلـم عـدد كـل الاجيـال=تـروف فـي دارن بحالـة مروفـه
يا ناصر خنيفر تـرى الطيـب لازال=باقي وتلقـى مـن يكـرم ضيوفـه
اقولها صادق تـرى الحـق ينقـال=قليـل مـن قولـة تفظـل تطـوفـه
ادري تبيها مثـل ماضيـن الافعـال =اللـي بقلبـك قلـب غيـر يلـوفـه
عن راعي( الفاطر)01 وقف كل خيال=خوي( برغش)2 بالشجاعه وقوفـه
شفته بعيني شايب (ن) ناحل الحـال=على الذيابه يابـو تركـي وصوفـه
عسـاه بالجنـه ويجـزاء بالعمـال =الطيـبـه والباقـيـات مـحـذوفـه
لاتصير يا ناصر مـع الوقـت ميـال=مدام راسـك حـي يحمـاء كتوفـه
عين (ن) تسود وعين تنخـل بخـال=وعينن تنـام وعيـن دايـم ذروفـه
هذي تصاريف الزمن مابها اشكـا ل=الناس مـن تـال الزمـان مخفوفـه [/poem]
نقط على حروف
عن راعي الفاطر المقصود هو المرحوم / الشيخ / بشير بن ضبيب البراك هو معروف بمكارم الاخلاق
والشجاعه
رحمه الله
وانا جلست معه وكان صاحب اخلاق عاليه يحب الصيد وكان يثني على المرحوم برغش بن بنيه البراك
( برغش هو برغش بن بنيه البراك رحمه الله رجل معروف في الشجاعه والكرم )
حاصل على ترخيص من وزارة الثقافه والاعلام السعودي
مراسله بين ناصر خنيفر ورد من غازي البراك
العرض المتطور
