اشهد شهادة حق لك يابن فرحان

قصيدة بمناسبة حفل الشيخ ذرف المشعلي

الله يبارك فيك ياذرف فرحان=جمعتنا مع هالوجيه الحشامي
اهل الوفا والطيب طلقين الايمان=خطلان الايدي محتمين الجهامي
فيك الشرف والطيب ميزه وعنوان= فيك المروه يارفيع المقامي
فيك الصراحه والتعاطف والاحسان=فيك العلوم الطيبات العظامي
وافي من الوافين في كل ميدان =كبير قوم وتستحق الوسامي
اشهد شهادة حق لك يابن فرحان= انك على العليا تشد الحزامي
عزالله انك ياسلايل بليهان =ملفاء حلاحيل الرجال الكرامي
لك مجلس (ن) يطلق عليه اسم ديوان= الظيف لامن جاه يلقى احترامي
عرق الشجاعه والشرف فيك صدقان= كسبت طيبك من خوال وعمامي
تستاهل التمجيد في كل الاحيان = لانك من اللي يدحرون الخصامي
مشاعله شجعان وعيال شجعان= اهل الحميا بالرخاء والزحامي

******** type="text/**********">doPoem(0)***********