لبنان....للشاعر مصنت الرشيدي
((لبـــــنـــــان))
بسم الله الرحمان خازوق شيطـان
ومن يذكر الرحمان يذكـر رسولـه
وللبيت يااهل البيت مدخل وبيبـان
وكل((ن))يميز مطلعه مـن دخولـه
ولاياصل المكتوب من غير عنـوان
وشعارللمضـروف طابـع و دولـه
والريح جاب السفن من كف ربـان
والبحر ماحد(ن)قاس عرضه وطوله
وحنا ضحية غدر بعيـون عـدوان
واسم العروبـه ظـاع منابسهولـه
راحت علينا القدس و اليوم لبنـان
اقولهـا و الوضـع مثلـي يقولـه
منظر يحز النفس ويجيب الاحـزان
والمشكله(( جلعاد ))راع البطولـه
اسمه قذر و يهـز عالـم و بلـدان
وجيشه يدمـر للبلـد و الطفولـه
وقام يتمادى لين يحتـل الاوطـان
وحنا على ماقيـل ننطـر وصولـه
وبسم العروبه نشجب افلان و فلان
ليه العرب عنـد الحقيقـه زعولـه
الله واكبـر كلمـة الحـق ميـزان
تقنـع عبـاد الله ماهـي ميـولـه
وحنا عرب بالدين و شعوب واخوان
تكفون ياالاسـلام ويـن الرجولـه
حاصل على ترخيص من وزارة الثقافه والاعلام السعودي
ساحة الشعر والادب
العرض العادي
