بسم الله الرحمن الرحيم
السلام عليكم ورحمة الله وبركاته
انقل لكم هذي القصيدة لشاعر الكبير:سعدان بن عابس الرشيدي
اهداءمنه الى لرئيس رابطة عبس العالمية المهندس: مبارك بن فهد الدويلة
[poem=font="simplified arabic,6,black,bold,normal"
="transparent" bkimage="backgrounds/49.gif" border="solid,5,darkred" type=1 line=0 align=center use=ex num="0,black""][/center]
هاج الشعور وهيض الفكـر دالـوب=والشعر هبت لـه بذاتـي هبوبـي
انهج لـه مبـدئ وبيبـان ودروب=بالعلـم والدنيـا نجـاح ورسوبـي
هيض القريحه بازرق الحبر مسكوب=تيـار فكـري والمعانـي شدوبـي
نظمت جزلات العفايف مـن العـوب=غوايـد غيـد سميـت وسمـوبـي
جواهـرِ مانالـه خـدش وثقـوب=يادوبي ادركهـم بالاسبـاب دوبـي
حان القصيد وطاع ماهوب مغصوب=والمدح جاله فـي مجالـه وجوبـي
اقبل سناه بداجي الوقـت مشبـوب=يشرق وشمسه ماتعـرف الغروبـي
طرقٍ نقيا ماطـرق مـاه غثـروب=ولافيـه شايبـةٍ لقولـه تشـوبـي
مصـدوق لازيـف ولاهومـكـذوب=هوج الهواجس في مجاله سروبـي
منصاه رجلٍ بالمواجيـب موهـوب=مني وماحد عـن مبـارك ينوبـي
ابن فهد ذخرٍ لمـن جـاه مرعـوب=لياجاه من جـور الزمـان مغلوبـي
جا للدويله مستصيـبٍ ومصيـوب=في نار حزنه كـن روحـه تذوبـي
وانـا نصيتـه بالغرابيـل مغلـوب=والقلب كنه يحتـرق فـي شبوبـي
مرهق ومن كثر الهواجيس مذهوب=والفكرفـي كـل اتجـاهٍ يجـوبـي
صبرت لين اعياني الصبر وخطـوب=وقتٍ جروحه في الضماير سطوبـي
وقتٍ كساني من سمول الشقا ثـوب=مابغا الشقا واسبابها اللي شقوبـي
دنيا تعاندني لهـا وجـه مشحـوب=ملعونـة بيـن الخلايـق لعـوبـي
هيما لها في كل الأحـوال ملعـوب=ماادري متى عنـي شقاهـا يتوبـي
من شانته حطوبه النـاس عـذروب=مـن زانتـه ماعيبتـه العيـوبـي
ماصار شي الامـن الـرب مكتـوب=ولافيـه عمايكتـب الله هـروبـي
ياوافياً بالجـود مـدرك ومحسـوب=لياهبـا خطـو الهبـود الكـذوبـي
اللـي مواعيـده مواعيـد عرقـوب=لاقام فـي واجـب ولاسـد نوبـي
هابي وعن هقوت اهل الطيب مزلوب=لامعزب يعـرف ولا هـو عزوبـي
والا انت لك صيت بالامداح مطروب=غربٍ وشرق وفي شمال وجنوبـي
يانادر مـن ماكـر العـز مجـذوب=الماكر اللـي ينعـرف ومحسوبـي
من روس عبس مزبنت كل منيـوب=ربعي حماهم مـن قديـم مهيوبـي
زاكي نسب يامن لك الطيب منسوب=والا الردي ساسـه ردي ومهزوبـي
ياطيب المبـدأ وياقاضـي النـوب=يامن معينـك مايعـرف النضوبـي
اخبرك عن مرغوب في غير مرغوب=مع من حسبت بهم وهم ماحسبوبي
نصيتهم عاني ولا ارسلت منـدوب=وساعة دروبـي كنهـم مادروبـي
ضاعت مروتهم وانا صرت مهزوب=فيهم وموت العـز مـوت القلوبـي
بافكارهم مبدأ أهل الطيـب مقلـوب=واهل الشماته من سببهـم حكوبـي
تقصيرهم واضح ولاهـو محجـوب=فعـلاً بالتقصـيـر ماقصـروبـي
راحم بصوبٍ يالدويله وانـا صـوب=وانت الوفي يـوم انهـم ماوفوبـي
وانا ياخو ناصر من الوقت متعـوب=ولاعاد لي غيـر اتجاهـك دروبـي
جيتك وانا من واقع الغيض مصحوب=وصوبكمشاريـه النشامـا سعوبـي
يامن نقا طاريك ماهـوب متـروب=اسمك تساما عن لسـان اللسوبـي
واللي بدر من صوب ذولاك مشجوب=ولانـي ردي يامسنـدي لوردوبـي
انا من اهل الطيب مانيب محـروب=اهـل الوفـا لاجيتهـم رحبـوبـي
مانيـب سبـاب ولانيـب مسبـوب=ولي وقفت تفـرح رجـالٍ هقوبـي
اعرف قدر نفسي ولانـي بمرهـوب=ولانيب ازيف بالسوالـف سلوبـي
ولي عـزة ماتنهصربـي ولاتـذوب=وعلى الشدايـد قاسيـات جنوبـي
وانا ادمي كلي عذاريـب وعيـوب=والكامل ارجي منـه يغفـر ذنوبـي
ابديت لك سر عن الناس مقضـوب=اخاف يدري فيه سـرون سروبـي
يسعى ورى جمع المثالب ومثلـوب=كنه على بعض الأمـور مغصوبـي
ياللي حماك بشامخ العـز مهيـوب=وعانيك يضحك له حجاجك طروبـي
انخاك ياحافـظ نقـا كـل ماجـوب=لد الحمية يابيض الوجـه صوبـي [/poem]
الشاعر:سعدان بن عابس الرشيدي
وتقبلو تحياتي م ن
حاصل على ترخيص من وزارة الثقافه والاعلام السعودي
جديد شاعر عبس سعدان بن عابس على رابطة عبس
العرض المتطور
