شاطي بني ياس/ النهر عبدالرحمن بن صامل

جيت المكـان ولالقينابـه اونـاس=مدري وراء ليه العـرب هاجرينـه
شفت المكان اللي للاشبال مجـلاس=يبكـي علـى حـيٍ قبـل نازلينـه
بكيت معه وقلت يـاروض لابـاس=يمكن منـك شافـوا ليـالٍ حزينـه
يمكن بتال الصيف شليـت نسنـاس=هبايـبٍ يـذري عليـهـم دفيـنـه
قال العذر مانـي زبـارٍ بالاطعـاس=تلعبـه ريـاح الشمـال وتهيـنـه
روضٍ خضر ومجالسي يطرب الناس=والظهر تلقابي عن الشمـس لينـه
والليل ونجوني من الناس عسـاس=نفوسـهـم مايشتـكـن الغبيـنـه
إنشد وتلقانـي عـلاجٍ للاوجـاس=ترفيه نفساً مـن ضغـوط المدينـه
قلت الله يجازيك من قبـل الايبـاس=فـي مدلهـمٍ يخضرالوبـل طيـنـه
وباتنشد عنـك نـاسٍ لهـم نـاس=مع الفريـق اللـي معـك خابرينـه
يابن عوض قلي عسى مابهم بـاس=ياعلهـم مـن كيفـهـم تاركيـنـه
ان كان ماجاهم من الروض وسواس=وش علمهم تـال الزمـن منكرينـه
اما الجفا ياطيب الساس مـن راس=ولا جـروحٍ مدميـاتـن جبيـنـه
القلـب ياعايـد تقلـه محـبـاس=طيـرٍ عليـه اقفاصهـن محكمينـه
والله لوانـي بشاطـي بنـي يـاس=يا النفس ماهـي للوناسـه رهينـه

******** type="text/**********">doPoem(0)***********
الشاعر / النهر عبدالرحمن بن صامل