[align=center]
ايها الاخوة الكرام في منتديات الشاعر غازي البراك ..
قصيدة جديدة اتشرف بوضعها في ساحة الشعر والشعراء ..
ارجوا ان تنال على رضاكم واعجابكم
[poem=font="arabic transparent,6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تبي الصحيح جروح قلبي مواليف = دايم على قلبي جروحي تخاشر
طعونهن وسط الحشا كنها سيف = وانا على حر المواجع مكابر
ولو قلت اصرفهن عجز كل تصريف = من ضيقتي دمعي أخاف يتناثر
قيفتهن في وسط الأعماق تقييف = حفظتهن حفظ الورق بالدفاتر
كنيتهن عن كل راعي تلاقيف = سكنتهن باقصى الضلوع الخفاير
خايف تقاشطني شداد العواصيف = و خايف تشاوتني قلال الظماير
يا بو فهد من فوق روس المشاريف = مدهال نقوات الصقور الكواسر
رقيت في كسر(ن) يهين المضاعيف = لين اعتلت رجل الكسير المنابر
ومشيت في عسر الدروب المناكيف = ما قدم رجلي غير خطو المهاجر
ما جتني الوقفه براد وهفاهيف = ولا طالتها بسلوب جبر الخواطر
ولا أخذتها ضحكه ولعبه وتزييف = أخذتها والجو غايم وغابر
جو(ن) يشادي جو من يسكن الريف = عن الحضاره والتطور محاذر
طافه زمانه وأتعبته المصاريف = وعن شف نفسه بأكثر الوقت قاصر
ومن لا عرف بالوقت يحتاج تعريف = ومن ما نجح يطلع من الربح خاسر
ومن ما مشى برجله وداس الشغاريف = ينداس مهما كان طايل وقادر
و الوقت تعليم القلوب المراهيف = اللي على كسب الجميلة اتاجر
في مدرسة سود الليال المصاليف=حبر القلم منها نزيف المشاعر
تكشف خفا طعن الضلوع المناحيف = يا خوفي قلبي لا تهل العباير
ويبين شيء بالمعاليق ما شيف = سويت له وسط الظماير مقابر
هذا صحيح العلم وبعض السواليف = طبع الردى وأهل النفوس الصغاير [/poem]
اخوكم
صالح بن سعود [/align]
حاصل على ترخيص من وزارة الثقافه والاعلام السعودي
:/ المنـــــابــــر :/
العرض العادي
