تنسيق محاورة الصارم والراكد

[frame="1 80"]السلام عليكم ورحمة الله وبركاته

الصارم


على مضارب عبس ياهل المعرفه مني سلام
من هاجس اللي لاسرى كل الدروب ايدلهـا
يالشاعر اللي تفهم المقصد مابلمعنى كـلام
اقولها واللي عقـد روس الحبـال يحلهـا

الراكد

على بساط المنتدى سولف على نص النظام
وعرف ترى ماكل شجـره ينتفـع مـن ظلهـا
ان كـان ودك بالعلـوم الوافيـه شـد الـحـزام
وابشر بالشاعر عارف(ن)دق العلوم وجلها

الصارم

ارجع على اول بيت ونظر زين ياراع الجهام
يمكن فيه امور تقراها والا تفطن لها
انا ادري انك محترم ونقابلك بالاحترام
لون شذت صاحبي بعض القلوب اتعلها

الراكد

ماني بجاهل مقصدك لكـن نويـت أروح شـام
وإلا العلـوم اللـي علـى بـالـك تــرى مزلـهـا
يا صارم اللي منصرم يشبه على طير الحمام
حذر من السرعه قبل صاف الدموع التهلهـا

الصارم

لاصرت عارف ليش تطلع وانت في جنح الظلام
هاذي مصيبه والمصيبه عودت لك كلها
اعلومك اللي قلت منها لا نلحقك الملام
خلك على سلم العرب قبل السيوف نسلها
الراكد

ماودي آن الطق ياسطي ياالسنافي بالعظام
ودي يصير مـع الفيافـي والجـروح يملهـا
هذا يدل انك عزيز ومـن عزيزيـن المقـام
بعض العرب حتى عيونـه بالخـلال يخلهـا

الصارم

اثرك كذا عندك ثقافه ماتضيق امع الزحام
ياحلوها ياصاحبي لا وافقتك ابحلها
هاذي سلوم اهل المواقف والرجاجيل الحشام
وان عاكست يامل عينك من خصيمك ملها

الراكد

الموج راكـد ماعليـه مـن الهبايـب والغمـام
أسبح على سطح البحر والناس دلـك دلهـا
آن كان في عينك منام رقد ترى زين المنام
قـدام تلقـى لـك مـواقـف صاحـبـك كفولـهـا

الصارم

والحر الاشقر ماعليه امن الحنادي والنعام
واليابغى برقاء الجناح امن السماء ينزلهـا
وزعت لك نشره ومنهـا مالقيـت الاهتمـام
وحـاول تمـعـن بالـعـرب قــدام لا ترسلـهـا [/frame]
[overline]
ملاحضه تم تنسيق القصيده حسب كتابة شاعرها وهي على هذا الرابط

http://www.gazialbrak.com/vb/showthr...p?t=473&page=4[/overline]

صح السانك يا صارم وصح السان الراكد

ومشكور يابو يوسف على التنسيق

ييض الله وجهك

صح السان الراكد والصارم محاوره نادره من نوعها معنى وخذ وعطا بسلوب رائع
ماني بجاهل مقصدك لاكن نويت اروح شام لاوالله منت جاهل مقصده
الف شكر لكم على هذه المحاوره الرائعه : وتقبلو تحياتي وعجابي

مشكوووووور والله يعطيك الف عافيه

يعطيك الف عافيه على النسخ

لاهنت يابو يوسف على التنسيق الرائع

تقبل مروري وشكري ,,,

صح السانك يا صارم وصح السان الراكد

ومشكور يابو يوسف على التنسيق

الله ايعاافيك ياغالي
فيصل البراااك