عبدالله بن باتل بين النظام وبين كيد العصابه

[poem=font="simplified arabic,5,black,bold,normal" bkcolor="transparent" bkimage="backgrounds/19.gif" border="groove,5,black" type=1 line=0 align=center use=ex num="0,black""]
امسيت كني طايرً بات مقضوب=وقت الغروب الله من الجو جابه
في صحصحً خالي وفي طرّف أهضوب=شاف العشاء يلمح وجوعه رمابه
ولحظه عرف نفسه بجربوع منكوب=صادت مخاليبه اسلوكٍ تشابه
وكفخ بعد مااصبح على الأمر مغلوب=يوم اقبل الشباك تلفح اثيابه
وده يموت أو يدخل الأرض ويذوب=عينٍ بالأرض وعين تبغا السحابه
اوذيبٍ ارقب سمع له حنة اذهوب=ويديه زلت فيه من راس لابه
طاح وتعور وانكسر فيه عرقوب=يبي الضلال وطاح وسط الشطابه
ماعاد له رجعه ونزله ولادروب=سمع الحساس وشاف ظل الذيابه
من شي لونه مقدر ومكتوب=في حال لاوالله لامرحبابه
هذي هي البلوى وهذا هو النوب=وهذا الذي ماكنت حاسب احسابه
راح بخبر كان وهو فيه عذروب=بين النظام وبين كيد العصابه
لكن اليا فكرت ماهو بمغصوب=خله عسى مايثور حضرت جنابه
اما يدل الدرب بعدين ويتوب=ويسد عن ريح الغرابيل بابه
او ياخذ الف احساب ويصير محسوب=وتنظر عيونه زين بأهل الذنابه[/poem]

عبد الله بن باتل الرشيدي

مشكور الشاااااااااعر ابو عبيد على نقل قصيدة الشاااعر الكبير عبد الله باااااتل


وبصراااااااااااااحه قصيده رااائعه بس انا ااعجبتني هذه البيتين




لكن اليـا فكـرت ماهـو بمغصـوب
خله عسى مايثـور حضـرت جنابـه
امـا يـدل الـدرب بعديـن ويتـوب
ويسـد عـن ريـح الغرابيـل بابـه

صح لسان شاعرها
وسلم بنان ناقلها
دمت بخير مع التحيه
دلوعته
:

صح لسان الشاعرعبد الله بن باتل
وسلم بنانك يابو عبيد
على النقل المميز لشاعر علم
من شعراء بني رشيد
تحايتي وتقديررررررررري

صح لسان عبدالله باتل