شيم شوي مع خلطات ابوصالح السريه

السلام عليكم ورحمة الله وبركاتة

خلونا شويه نطلع من سوالف التكانه ونتغشمر شوي بالطباخ

اليوم جمعه ووماعندي شغل وقبل الصلاه محضر لكم موضوع وهو خلطات شوي للسمج

يمكن بعض الشباب مايحب السمج ولكن اقول عليكم بالسمج تراه خيلي خشنكي على ماقالوا اخوننا الايرانيين يعني شغل عدل

لحم السمك طبيعي لايدخل فيه اي تغيريات كيماويه فهو سمك يعيش بالبحار ولحم السمك يهدئ الاعصاب ومغذي للجسم

المهم اليوم طبختنا على شوي سمج الشيم

الشيم من افضل انواع السمج والذها طعما وهناك مقوله تقول الشيم من اكل اهل الحشيم

وهذه صورة للشيم



طبعا يتم تنظيفه وتنقيعه بالملح والليمون لمدة نص ساعه ومن ثم يتم حشوه بمايحلو لك من الشغلات اللي تحبها يعني خبص ليمن تطلع الشويه حلو هههههه

انا احط قطع صغيرة من سنام الحاشي معاه




بعدين حطه بالفرن ولازم تسخن الفرن لمدة عشر دقايق قبله

حطه عشر دقايق ومن ثم اقلب السمجه على الجنب الثاني عشر دقايق اخرى

وأخيــراً يا شيف ابو صالح سدحت لنا احدى خلطاتك السريه هع هع

مع اني ما أحب السمج >> تقلد عليك هع ..

الا اني حسيت انها شي

يعطيك العافيه شيفنا المحترف .. ولا تحرمنا من خلطاتك السريه

دمت بألف خير


دلوعته
:

يا سلام عليك يابو صالح

والله اني احب السمك

وان شاء الله اني اجيك بالكويت وذوق خلطات ابوصالح السريه

هههههههههههههههههه

الله يحفظك ويرعاك

المشاركة الأصلية كتبت بواسطة دلوعته

وأخيــراً يا شيف ابو صالح سدحت لنا احدى خلطاتك السريه هع هع

مع اني ما أحب السمج >> تقلد عليك هع ..

الا اني حسيت انها شي

يعطيك العافيه شيفنا المحترف .. ولا تحرمنا من خلطاتك السريه

دمت بألف خير


دلوعته
:

اشوى لقيت من يمدحني بالطباخ ههههههه

هلا وغلا فيج يادلوعته ويامال العافيه على المرور

حسبت ان ربعنا في منتدى ابويوسف دايم مسوين نفسهم تكانه ومايشاركوننا بالمطبخ هههههه

يامال العافيه على المرور

لا والله يابنت الاجواد ترى الشغله كلها تحضيرات من الشغالات وحنا علينا التصوير فقط واختج ام صالح هي اللي تصور بعد

انا علي الاكل فقط ههههههه

شكرا شكرا لكم على المرور بس لاتفضحونا هههههههه


اللهم ادمها من نعمة يارب العالمين


تحياتي لكم

المشاركة الأصلية كتبت بواسطة غازي البراك

يا سلام عليك يابو صالح

والله اني احب السمك

وان شاء الله اني اجيك بالكويت وذوق خلطات ابوصالح السريه

هههههههههههههههههه

الله يحفظك ويرعاك

هلا هلا هلا وغلا فيك يابويوسف ياهلا ومسهلا ومرحبا

والله انني اشارك بالمنتديات فقط للغشمرة والضحك

قلت اليوم جمعه وماعندنا شغل طال عمرك ونكتب ونصور وننشر على المنتديات ونشارك عيال عمنا في الديار البعيدة

القصد من موضوعي هذا هو التواصل فقط طال عمرك بين ابناء العمومه من بني رشيد في كل مكان وكسر باب التكلف والكلفه في ابداء الاراء بشكل عام .

بالامانه يابويوسف احسست انني في مكان امون عليه في ربعي بين ربعي وجماعتي وكتبت هذا الموضوع

حياك الله يابويوسف بالكويت وانت مقامك فوق الراس ورمش العين وحقك طال عمرك ولو مانقدر نلحق جزاك لو نذبح لك حواشي الكويت كلها وتستاهل الطيب ياراعي الطيب يابويوسف

اما من ناحية طبخات السمج

ابشر طال عمرك باللي يسرك وسوف تتذوق اسماك طازجه من البحر توها طالعه ومن طبخات اختك ام صالح

ماشاء الله عليك يابو صالح . مسيطر على منتديات القبيله بالطبخ
ماكو منتدي الا وانت سادح لك موضوع بالطبخ ..
بس تدري شنو احلى شي بالموضوع ..
الجبن .. بصراحه احس ان هالخلطه شي ...
جبن شيدر مع سمج .. ومعجون طمام
لايـــــــــــقاوم

وان شاء الله بنسوي لك مجاراه
هع هع

ترقبني
:>

المشاركة الأصلية كتبت بواسطة الغـضـہْ

ماشاء الله عليك يابو صالح . مسيطر على منتديات القبيله بالطبخ
ماكو منتدي الا وانت سادح لك موضوع بالطبخ ..
بس تدري شنو احلى شي بالموضوع ..
الجبن .. بصراحه احس ان هالخلطه شي ...
جبن شيدر مع سمج .. ومعجون طمام
لايـــــــــــقاوم

وان شاء الله بنسوي لك مجاراه
هع هع

ترقبني
:>

هلا وغلا فيج ياوخيتي

ياهلا وكل الغلا يابنت العم وحياج الله في منتدى اخونا ابويوسف

انتي من الناس محدن يباريج ... بالطبخ يالغضه محدن يجاريج

من اللحين استسلام ومااقدر على المجاراة يابنت الاجواد

ابو صالح عودنا على الاحوال الجوية وعلوم الامطار

وفجئة ينقلنا الي عالم الطبخ لا وبعد سمك

ماشالله عليك ياشيف ابو صالح

ملحوظه/ السمك يستخرج من الماء والماء من المطر (يعني احوال جوية)

مجرد فلسفه.

وتقبل تحيتي....

المشاركة الأصلية كتبت بواسطة الشمالي

ابو صالح عودنا على الاحوال الجوية وعلوم الامطار

وفجئة ينقلنا الي عالم الطبخ لا وبعد سمك

ماشالله عليك ياشيف ابو صالح

ملحوظه/ السمك يستخرج من الماء والماء من المطر (يعني احوال جوية)

مجرد فلسفه.

وتقبل تحيتي....

هههههه

ياهلا بالشمالي وتحياتي القلبيه لكم

يامال العافيه على تلك الفلسفه الحلوه

ياخوي الكريم اريد فقط اضافه بسيطة طال عمرك بعيدا عن الفلسفه لكي نكون على اليقين

الماء شيء عجيب خلقه الله تعالى

أولا كلنا خلقنا الله تعالى من ماء ولولا الماء ماعشنا بالحياة الدنيا ويقول تعالى: (وَهُوَ الَّذِي خَلَقَ مِنَ الْمَاءِ بَشَراً فَجَعَلَهُ نَسَباً وَصِهْراً وَكَانَ رَبُّكَ قَدِيراً) [الفرقان:54]

وكذلك جعل الله تعالى من الماء كل شيء حي

وعرش الرحمن مالك الملك لا اله الا هو فوق السموات السبع عرشه ايضا فوق الماء

ولكن نتذكر قول الله تعالى : { هُوَ الَّذِي خَلَقَ لَكُمْ مَا فِي الأَرْضِ جَمِيعًا ثُمَّ اسْتَوَى إِلَى السَّمَاءِ فَسَوَّاهُنَّ سَبْعَ سَمَوَاتٍ وَهُوَ بِكُلِّ شَيْءٍ عَلِيمٌ } .

كذلك اهل النار ونعوذ بالله ان نكون منهم يقولون لاهل الجنة

قال الله تعالى :{وَنَادَى أَصْحَابُ النَّارِ أَصْحَابَ الْجَنَّةِ ‏أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ قَالُوا إِنَّ اللَّهَ حَرَّمَهُمَا عَلَى الْكَافِرِينَ}


المهم ادري شطينا شويه عن الموضوع

نرجع الان على السمج

السمج ياخوي الشمالي شيء طيب

اذا صارت السمجه طازجه فهي لذيذه جدا جدا وهي من خيرات الله بالدنيا وعسى الله يرزقنا الجنه بالاخرة

اترككم لهذا التقرير العلمي الحديث لمحطات اجنبيه تبرز ان الماء المالح وعلاقته مع مرض السرطان

يا سلام عليك يابو صالح

والله اني احب السمك