والبداية مع الشاعر المبدع حمود البغيلي يوجه هذه القصيدة الى : مساعد ربيع الرشيدي 0
يا مساعد ربيـع اضحـك لاتزعلنـي= خلك أليا شفت وجهي يضحك حجاجك
لك الشرف يـوم أمثلك وتمثلنـي =يا بحر يا للي يضيع الجيش بأمواجك
أصير لـك لقمـة لا جعـت تأكلني = وليا ذبحك الظمأ با أ صيـر هداجـك
أبيك لا ضـاق صـدرك ما تجاملنـي =أحب أنا راحتك ما أحب أنا إزعاجك
خذني معك فـي سمـاك ولا تزلني = خل المسافة تحن لشـوف ميراجـك
وان شفتني طحت مد ذراعك وشلني = طرزني نجـوم ليـلٍ عزهـا تاجـك
وان شفتني ملت صححني وعدلنـي =حتى ولو كنت أجيب النور لإحراجك
تراي ثوب علـى كيفـك تفصلنـي =تسلمـه هامـة التاريـخ لأبراجك
جادلت ناسٍ على شانـك تجادلنـي= وخليتها يوم فـاح الجـدر تحتاجـك
خذ هالقصيدة رجاءً بـس ناولنـي= بيتين شعر جميـلات مـن انتاجـك
******** type="text/**********">doPoem(0)***********
وجاء رد الزعيم الشاعر: مساعد الرشيدي بقصيدة زاخرة بالشعر
0
يا حمـود كـل الليالـي ما تذللـنـي =لوجيت يا حمود طيب وكنت محتاجك
علمي بصوتك مطر وشموس تغسلني=ياما حلا في نفاه العمـر مسهاجـك
لو في عيونك من الغيرة تجاهلنـي= يكفيني إني كسرت الليـل بسراجـك
أخاتل الليـل ليـن انـك تظللنـي = يا عزوتي واجلـد الظلمـا بكرباجـك
أنا رفيـق العـزوم اللـي تجملنـي= الله يحييك طبـت وطـاب منهاجـك
وان جادلك ناس عن فجرٍ تزهملنـي =مد الرهـاوي بمدخالـك ومخراجـك
وان بح صوتي وشفت الحمل مزملني=اركيت كفي على الشامخ من سياجك
قم شرع الباب للهقـوات وازهلنـي = تبي تزين العلوم ويضحك حجاجـك
أما دروبٍ ورى الحـروه توصلنـي =وإلا عليك السـلام وعـوّد ادراجـك
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
صوت من حمود البغيلي وصدى من مساعد الرشيدي
العرض الشجري