سلام الله سلام ٍ ماقصرته دون ذاك وذاك

هذه القصيده قلتها بالحفل الذي اقامه الشيخ / دهيم بن عبيد بن علوش البراك واخيه
الشيخ / فهد بن عبيد بن علوش البراك بمناسبة افتتاح ديوان الشيخ/دهيم بمنزله
الجديد بقرية الصخنه يوم السبت الموافق 4/10/1429هـ



[poem=font="simplified arabic,6,black,bold,normal" bkcolor="transparent" bkimage="backgrounds/13.gif" border="double,5,gray" type=1 line=0 align=center use=ex num="0,black""]
سلام الله سلام ٍ ماقصرته دون ذاك وذاك= سلام ٍ يشمل الضيفان والحفل ومعازيبه
حضوري في محل الشيخ ابن براك=دهيم عبيد ابن علوش ماضيت ٍ تجاريبه
يشرفني حضوري يادهيم وتلبية دعواك=ياشيخ ٍ صاعد ٍ للمجد في عالي مراقيبه
بعدها ياقصيدي لا ترداء يوم جيت انخاك=على مدح الرجال اللي لهم عند العرب هيبه
انأ يادهيم لامنه دعاني مثلك وشرواك=حضرت وكل راعي عرف يعرف وش مواجيبه
ابارك لك على الديوان جعله عامر ٍ بحماك=ياشيخ ٍ كل علم الطيب والنوماس تحريبه
اعرفك شيخ وبن شيوخ شعري والمدح يزهاك=وانأ والله ممدح واحد ٍ ماينعرف طيبه
وعرف انه خطاء لوقلت لامثلك ولاحلياك=ولكن والله انك عز ومثالك نماريبه
عسى الله يرحم اللي للمراجل والكرم رباك=ابوك عبيد ابن علوش شيخ الكل يدريبه
ولد راع البويضاء بالمعارك سقم عين اعداك=سقم عين المعادي لكنه ريف لصحيبه
ولاننسى فهد راع الفعول حزامك ويمناك=مطلعته فعوله مايجيه الشك والريبه
بعيد الشك عنك يافهد يبعد ولاينصاك=ياحر ٍ صيرمين كل صيده في مخاليبه
اقول الصدق ماجامل ولاسمع هرجت النماك=اعرفه مايجيب الاالكلام الكذب والغيبه
وقليل الهرج يكفي عن كثيره والردي يفداك=ياشيخ ٍ في قدوم الضيف يكثر في تراحيبه
وختام القول ياربي طلبتك طاعتك ورضاك=بيوماً مايعرف الرجل وش يخطيه ويصيبه
[/poem]