قــصة بــداح والعشـق شاعــره بقلمـي

][قصــة واحد اسمه بداح وقصته مشهوره بس بحطها

وهذه قصة له وقصيده القاها بعد القصة وهي :

في يوم من الايام طلع بداح يتجول في ثرمداء بالفرس وذهب الى منطقه شمال ثرمداء فرى بدو مخيمين
وشاف عندهم بنت مزيونه جدا جدا جدا وعجبته البنت ثم يوم شالوا البدو خيامهم وراحو لمكان ثاني ، بداح راح وراهم وخيم عندهم وبعد يومين راح عند ابوها وخطب البنت قال الابو ياهلا والله ويا مرحبا
ابروح اشاور البنت وارجع اعلمك قال بداح خير ان شاء الله ، الابو راح للبنت وقال لها ( هذا بداح جاي يبيك حليله له على سنه الله ورسوله ، قالت انا اخذ حضري * زين تصفيح * يعني زين منظر وما هو رجال ، قالت انا اباخذ ولد عمي زين الرجال .
راح الابو لبداح وقاله الكلام كله قال بداح خير ان شاء الله.

ومرت الايام وفي يوم أغار على اهل البنت قوم الفضول وخذو حلالهم وخيولهم وراحو، وقال الابو لجماعته خلنا نستفزع ببداح راح واحد منهم وقال له نبي فزعتك قال لا انا مانيب رايح معكم
وراح ابو البنت وقال لبداح يخوي الفضول خذو حلالنا ونبي فزعتك قال خير ان شاء الله

وراح ولحق وراهم ورجع منهم خيول وغنم يوم جاء لهم، وعطاء احد العبيد الخيول في ربطه واحد وقال له رح وعطها البنت اللي تقول عني زين تصفيح وتقول منيب رجال قلها اللي ما قدرو عليه عيال عمك قدر عليه الحضري .

ومن بكره عزمه ابو البنت وجت البنت وصبت له القهوه وقام وكب القهوه وقال هذي القصيده :
= الله وأحـد يـامـا غـزيـنـا وجـيـنـا * ويـامـا ركـبـنـا حـامـيـات الـمـشـاويـح

=ويـامـا عـلى اكـوارهـن اعـتـلـيـنا * ويـامـا ركـبـنـاهـا عـصـيـر مـراويــح

=ويـامـا تـعـاطـت بـالـهـنـادي يـديـنـا *ويـامـا تـقـاسـمـنـا حـلال المصالـيـح

=وراك تـزهـد يـالـريـش العـين فـيـنا *تـقـول خـيـال الحـضـر زيـن تـصـفـيــح

=تـرى الـظـفر ماهـوب للـظـاعنـيـنا *قـسـم وهـو بـيـن الوجـيـه الـمـفـالـيـح

=الـبـدو واللي بـالـقـرى نـازلـيـنا * كـلـن عـطـاه الله مـن هـبـت الـريـــح

=يـوم الـفـضـول حـلـتـك شـارعـيـنا *والـشلـف بـاخـوانك سـواه الـزنـانـيـح

=يـوم انـكـسـر رمـحـي خـذيـت السـنيـنا* وادعـيت عـنـك الخيل صم مـدابـيـح

=يا عـود ريـحـان بـعـرض الـبـطـيـنا *ومـنـيـن ما هـب الهواء فـاح له ريـح

=ونـهـوده اللـي مـا لـهـجـها الـجـنـيـنا *حمرا ًثـمـرهـا تـجـرح الـثـوب تـجريـح

=لا خـوخ لا رمـان لا طـلع تـيـنا *لا مشـمـش الـبـصـره ولا هـوب تـفـافـيـح

=وخـداً كـما قـرطاسـه في يـمـيـنا *وعـيـون نـجـل للـمـشـقـى ذوابـيـح

=سـخـف بـلـطـف بـنـهـزاع بـلـيـنـا *يا غـصـن مـوز هـزعـه نـاس مـن ريـــح

=هـيـا عـطـيـنا الحق هيا عـطـيـنا *وان ما عـطـيـتـيـنـي والله لا اصــيـــح

=لـصـيـح صـيـحـه مــن غــداله جـنـيـنا * والا خـلوخ ضـيـعـتـه الـسـراويـــح

وقالت البنت رضيت به يابوي زوج رد عليها وقال

( مالنا على طرد المقفين عاده)

وبس هذي القصه بس والله الرجال فله

أتمنئ القصه تعجبكم وتقبلو مروري بالقسم الجديد