احوال .. العاشقين !!!

اخواني الأعزاء في الموقع الخاص لشاعرنا الكبير :
(( عازي البراك ))
السلام عليكم ورحمة الله وبركاته
،
،
‘
يشرفني ان اصافحكم بهذه القصيده التي ارجو ان تنال على بعض من رضاكم
،
،
،
،
اقرأوا .. مايلي :

الليل طرف .. واقترب وقت الإذان=قرب طلوع الصبح .. والحال حاله
جتني صلاة الصبح .. واذانها حان=وانا مع الاشعار سالي .. وداله
ابدا بمبدأ .. وامسحه بعض الاحيان=واليا مسحته .. جبت واحد بداله
انخى الهجوس .. ونوب ياقف وينخان=يرغب قبالي .. مثل ماارغب قباله
مانمت لي يومين ضايق .. وطفشان=كني غني(ن) فاقد(ن) راس ماله
هامور كان بخير والبنك مليان=وفي سوق الاسهم ضاع كامل حلاله
وعقب الغنى اصبح فقير(ن) وحفيان=واصبح على الاقصى والادنين عاله
وياصاحبي يالي من الحبر مليان=اكتب قصيدة حزن .. ولا رساله
ابيك تروي قصة فلان .. وفلان=تقصها بابيات شعر الجزاله
قصة انسان .. وفارقه اطيب انسان=ومن فرقته الله واعلم بحاله
حبيب وابعد عن دياره والاوطان=هذا جنوب .. وذاك باقصى شماله
حاضر .. ولكنه تحول خبر كان=في غيبته صار العوض في خياله
مابينهم حالت قوانين بلدان=والدين .. وسلوم العرب .. والسلاله
اقفى .. وخلى له ثلاث من الاحزان=الضيق له .. والهم له .. والبكاء له
خلاه في غربة زمن عبر الازمان=يكمل طريقه في حياته الحاله
غصب(ن) عليه يكمل الدرب منهان=ويرضى الزمان بميلته .. واعتداله
ومن بعدها جو الزمن صار دخان=واليوم الاسود صار يوم احتفاله
ويصبح حزين .. ويمسي الليل زعلان=وكثرت هواجيسه .. وكثر انشغاله
والضحك مابه ضحك .. والدمع مجان=وصار يتحمل شي فوق احتماله
وحال(ن) تعيس .. وحزن .. واهات .. واشجان=وراي(ن) عمى .. وقلة سنع .. وانعزاله
هو هكذا العاشق اليا صار ولهان=فاله .. عسى مافال الاجواد فاله
قصه وانا صورتها حسب الامكان=على شكل تقرير .. مدري مقاله
وزبنتها وانا لها خير مزبان=وقمت اتصيد شردي من خلاله
وقصدي ابين شي واحد يالاخوان=ان الهوى مفتاح غي .. وظلاله
والشعر .. كنه مس من عالم الجان=يسيطر .. ويعلن بالشعور احتلاله
والشعر للشاعر .. سعاده .. وسلوان=وهمزة وصل بين .. العقل .. والجهاله
وللشعر تركيبه .. ومبدأ .. وميزان=ومعنى .. واصول .. ومفردات .. ودلاله
وياالله بحسن ختام .. مع قوة ايمان=اخير من باب القصيد .. ومجاله !

******** type="text/**********">doPoem(0)***********


وسلاااااااااااااااااااامتكم جميعاااااااااااااااااااا

الله اكبر عليك ياعبدالله المظهور
قصيده تستحق ان تقرا اكثر من مره
وتحمل في طياتها معناه
مبدع ياعبدالله المظهور
وانت شاعر متمكن ورائع
تقبل اعجابي ومروري .

عبدالله المظهور صح لسنك
وبيض الله وجهك
شاعر متمكن ورائع
تقبل اعجابي ومروري

المشاركة الأصلية كتبت بواسطة هاوي نجد

الله اكبر عليك ياعبدالله المظهور
قصيده تستحق ان تقرا اكثر من مره
وتحمل في طياتها معناه
مبدع ياعبدالله المظهور
وانت شاعر متمكن ورائع
تقبل اعجابي ومروري .

هاوي نجد

بارك الله فيك

مرور اسعدني وشرفني بكونه اول مرور على قصيدتي

مرور بارز تشكر عليه .. وشكرا لك على كلامك الطيب

تقبل تحياتي وتقديري واحترامي

عبدالله المظهور صح لسنك
وبيض الله وجهك

	صح السانك وماقصرت شاعر تستاهل

صح لسانك ومشكور على هالقصيده الرائعه

الله يعين العاشقين ياخوي عبدالله
تقبل تحياتي وتقديري واحترامي

المشاركة الأصلية كتبت بواسطة ثويمر العجوني

عبدالله المظهور صح لسنك
وبيض الله وجهك
شاعر متمكن ورائع
تقبل اعجابي ومروري

ثويمر العجوني

اهلا بك ايها الشاعر الكبير في متصفحي
ومرورك على قصيدتي بحد ذاته شرف

صح بدنك طال عمرك

شكرا لك

تقبل تحياتي وتقديري واحترامي

عبدالله المظهور صح السانك وبيض الله وجهك وسجل اعجابي بهذه القصيده
تقبل تحياتي