قصايد الشاعر /نواف العازمي يرحمه الله

[frame="9 80"][frame="9 80"]
قليلين الحيا
فقدنا قليلين الحيـا مابقـا كـود انـت= شريدتهم انت الله يشيلك عـن الديـره
على شذبت المقفي وسب الرفيق ادمنت =تعذرب بهرجك طيب العـرف والسيـره
تخوجل بمنطوقـك تدلـع تدلـع بنـت=وقالولي انك تستشيـر اختـك منيـره
بوقت السعه شاعر وفاهم وكنت وكنـت=وبااللازمـه جـون تطـارد معاصيـره
يغرك كلامي يوم اقوللك نوب احسنـت=وانا اطفيبها اعيون اهل الحقد والغيـره
انا مستعد انـي لـردك مثـل ماكنـت=على اسمك ووسمك مع هل البر والديره
ترى العلم الاخر كان شان الزمان وشنت=ترى علمك اللي تذكره مايحصل غيـره
اذا اوعدت ماتافي وانـدورك ماعينـت=معايير وانته وش تبي غيـر هاالعيـره
وانا صح عن بعض الطواريق قد دينت=واذا ا***ت فيك الذنـب تقفـاه تكفيـره







يانفس

يانفس طاوعتك امـرار وتراديـد=واليا بغيت لـك طريـق مشيتـه
امشي بشفك ما حسبـت المناقيـد=مانام ليل ولازمـك مـا قضيتـه
واليا طلبتي شي من دون تحديـد=بالجـاه والا بالدراهـم شريـتـه
مدللك عن منتـك زيـد وعبيـد=وابوي مثل رضاي لك ما رضيته
بقيت في حكمك كما العبد للسيـد=ماشي ورايك ماذكر اني عصيتـه
ابي الخلاص وياخذ الامر ويزيـد=ان طعت لامرك كل ليـل سريتـه
اثرك عدوه ما ورى تبعتـك فيـد=غدرك تبين لي وانا مـا هقيتـه
ما شفت منك الا مشاكـل وتنكيـد=وقطع المصالح والتعـب كمبليتـه
والنفس مثل الورع تفطم عن الديد=وعزالله انـي تـو طبـك لقيتـه
الصبر سويته مع العزم لـك قيـد=والله يساعدني علـى مـا نويتـه







لاوهنيك باالغلا

لا واهنيك باالغلا وانـت ضـدي=وشلون لونك بصفي على طـول
ماهو بودي يـوم امـر امتعـدي=والله من اللي بيني وبينك يحـول
اخاف من نظرة اعيونـن تلـدي=ومطالعات احويل بعيونه الحـول
بيني وبين اسرار حبـي تحـديالي=ن صار الطبع والطبع ميـزول
محدن درى عني ولاباح سـدي=وواواصل الغارات واصول واجول
واطوي مسافة خايعن مجرهـدي=واقضي اشغالي وانا معك مشغول
ومعلي اللي يجيب الكلام ويـودي=لاجبتلك سيره ولاارسلت مرسول
ان مر زولك دايم اغضي واصدي=وانا بقلبـي ياحبيبـي يهـازول
يابو جديلن فـوق متنـه يكـدي=جميل من كل النواحي ومجمـول
عذبتني والحـال صـار متـردي=تراك عن ماصار باالحال مسؤول
جحدت حبك لين بيحـت سـدي=واليوم ابشرح ماحصلي وابقـول
صبرت يالبين العن جـد جـدي=لقيت بعض الصبر ماهوب معقول
ونصرت قدك باالغلا وانت قـدي=لو قالو العـذال اباقـول يحـول
والله مدري مـن عليـه اببـدي=ماله وجود ولغز ماهوب محلـول







حـــمـــام الــحــدايـــق

جيتـه وبلغتـه بـكـل الحقـايـق=وقلت الله الله فيك مغـرم ومفتـون
ولازلـت احاولبـك بكـل الطرايـق=وانا حذر مـاودي النـاس يـدرون
وعندي على حبي جميـع الوثايـق=اطلب وانا جاهز وحاظـر وممنـون
اضحك وانا فينـي تشـب الحرايـق=زودن على مابي من الهود واطعون
من عذرك اللي صار ماهوب لايـق=ابغاك عون وصرت باالع** فرعون
الحقت جـرح العـام الاول لحايـق=بحرج اضروف الوقت عني تصدون
جيت ابتسم واضحك ورحت امتضايق=والله ماحسبها تجـي منـك هلـون
وان سهـل الله ياحمـام الحـدايـق=اباتقضـى منـك وابليـس ملعـون









الــحـــرار الــصــواريــم

ودك يصير الرجل عـراف وافهيـم=مايقول داري واهو ماهـوب داري
واليا نشد عن شي يستخـدم الميـم=ماشفـت ماعينـت مـالاح طـاري
والطيب من بين النشامـا مقاسيـم=اللي عليهن حمل واللـي عـواري
لاكـن قـل المـال لرجـل تحطيـم=لوكـان يطريلـه ثمانيـن طـاري
عشقن طلع في وادي الهيم للهيـم=دربي يمين ونبت عشبـه يسـاري
ومن صارله حاجه ورى برطم= شريمينزل لرغباتـه نـزول اضطـراري
ويحطلـه طيبـن مزيـف وترهيـم=مع تحدث فـي سلوكـن حظـاري
ماهو على شانـه يفـك المجاهيـم=له حصتن فـا الآهلـي والتجـاري
وقتن تغير فيـه بعـض المفاهيـم=فيه العدو مثل الصديـق المبـاري
وقل الصحيح وقايله واصـح يانيـم=وساد الكلام اللي من الصح عـاري
الا ويصحـب كلمـة الحـق تعتيـم=فعلا وانا سامـع وشايـف وقـاري
لكن عزيز النفس مايقبـل الضيـم=ماني على الدون والـدون ضـاري
ولا ابغى من الناقص حفاوه وتكريم=لو صرت في بعض الامور انتحاري
اجزع كما تجزع حرارن صواريـم=والخوف ماطول عمـار الحبـاري
للكـل مقـدارن وللـكـل تقيـيـم=ولاني لعميـان البصيـره مـداري
للأسئلـه ياسيـن للأجوبـه جيـم=هـذاك ذاك وذاك ذيـب الغـداري
وعلى الرسول افضل صلاتن وتسليم=شهادتـن لله تشـهـد اجـهـاري









المحترم يفرض عليك احترامه


ماني الوحيد اللي خوالـه عمامـه=لاكن بليا عـم جالـي ولـد عـم
سلمت منهـا لـو مالـي سلامـه=الرجل من هـول الزمـان يتعلـم
وطيبن لمـن لايستحقـه رخامـه=مثل الذي لاقـال الـه قـول ماتـم
والبحـر لـولا غبتـه واللتطامـه=ماصارلـه هيبـه ولاصارلـه جـم
والناس لو تدري بهـول القيامـه=ماشفت قطع الوصل باالحم والـدم
وبنين بلاساسن سريعـن هدامـه=لازم تبـيّـن خلـتـه ويتـهـدم
ولـون بوجيـه الاوادم عـلامـه=يعرفبها واف الخصايل مـن الـرم
ماكـان يخدعـك الهبـود بكلامـه=ثـم قلـت ياطيـب الولـد لاتكلـم
باالهرج اشد من الهلالـي سلامـه=وعلى الصحن قدم الضيوف يتقـدم
زاح الصحن يمه وقـرب ايدامـه=سما واكل لو كـان ماقلتلـه سـم
والرجل مهما كـان يرفـع مقامـه=والخير كمن خص والشر كـم عـم
من يحترم نفسه يـزود احترامـه=ويشاف باالعين الجليلـه ويحشـم
بس الخمامه غصب يبقـا خمامـه=يحكم عليه الوقت والنـاس تحكـم
لو لبس من غالي العمايم اعمامـه=سرجن على ثورن ثبارن معم عـم
لاكبر راس الثـور يكبـر سنامـه=الحصن تفهـق والكديـش يتقـدم
والعد حـوّل فـوق جالـه مقامـه=اقرش من الطي الرفيـع وتصـرم
ويين الشجيع اللي يجـود احزامـه=اللي جويـدن محزمـه ويتحيـزم
لاكن عسى حسن العمل هو ختامـه=الله يغفـر ***نـا ثــم يـرحـم
قدر شراب الآدمـي مـع طعامـه=هـذا مــحلله وهــذا مـحـرم
اعوذبه عن كـل ضلـم وضلامـه=وعن حوبت المضلوم واشرار ضالم
وعلى النبي صـلاة ربـي ختامـه=محمد عليه الله وماصلـي وسلـم








شـــيـــوخ الـقــبــايــل
عقدن يحل وعقد ماهوب محلـول=تحير من دونـه جميـع الوسايـل
قالم يحل وقلـت ماهـوب معقـول=الحل والله دونـه اليـاس حايـل
قالو علامك قلت طيـب ومعلـول=مشاكلـن تبغالهـا شـرح طايـل
قالو محبه قلـت حبيـت مجمـول=الحـب ماعيّـب شيـوخ القبايـل
قالو وش اسمه قلت ذا شي مجهول=اما اسكتم ولا علـى مانـي قايـل
قالم تقول وقلـت عـزالله اقـول=لاواهنـي حايـل بسكـان حايـل
لاوكنت في جون خلا مابه الـزول=ترى الخلا طب القلـوب العلايـل
منقول[/frame][/frame]