يا سواد القلب يالوجه الحقود
------- ابتـعد عن هـامة الرحـمة بعـيد
المسـافـة بيـنك و بيـنه تـزود
------- يا خبيث النفـس يا نفس البلـيد
الورى عـنّـك يزيدون الصـدود
------- دام روحـك قاسـية زي الحـديد
في مساحات الفرح مالك وجود
------- وش يجيب الشهد للـعل الصديد
وش يجيب الشوك لازهار الورود
------- خـابريـنك مـانت بالدنـيا جـديـد
ويالنفوس الطاهرة ارقي سنود
------- والبسي للطهر لك عـمر ٍ مـديد
ويا (بلادي) كل ابونا لك جنود
------- عن حماك نحطم الباس الشديد
ماهي اوهام وتخاريف ووعود
------- واقـعٍ يشـهد له الضـد الضـديد
واطمئني داااام حراسك أسود
------- ان تـوفى شـبـلهم يحـيا شهيد
العواصف عاتياتٍ والملوك آل السعود
------- بالرخا والأمن والحكم الرشيد
خـدمة البيـتين ، تطـبيق الحـدود
------- وبالمعارك هم هل العلم الأكيد
حاصل على ترخيص من وزارة الثقافه والاعلام السعودي
العواصف عاتياتٍ والملوك آل السعود
العرض العادي
