>>> إصابة النيشان

صبحكم الله بالخير

قمت ارمي النيشان بآصيب مرماهـ
رميه "شمال" ورميتينن "يمينهـ"
،،
حتى تبعثر في معاليدزي الآهـ
والقلب جاوب من بقايا حنينهـ
،،
خلاني اخطي بالهدف واتعداهـ
نحو الجروح "الموجعات" الحزينة
،،
حر الطلق يفتق جروحن مخفاهـ
والله يعين القلب ،،،، والله يعينهـ
،،
وجدي ع من يجهل الهم وجداهـ
وجد الذي ماتوا هله بالغبينة
،،
كنه بدون سلاح وبساحة عداهـ
فاتوا عليه وهو يجهز كمينهـ
،،
وامسى أسيرن والمهانة توطّاهـ
كما فقد اذنه و صبعه و عينهـ
،،
خلوه (10) سنين بين المعاناة
والذل واشكال الجروح المهينة
،،
واتجيك يالحاسد على ماتمناهـ
وكلن على مايحتفي به كنينهـ
،،
مدري ضروف نجهله ما عرفناهـ
أو كل ابونا "ياسعد" عارفينهـ
،،
تاهت مجاديف المعنّى بمرساهـ
وغرقانتن وسط البحر له سفينة