قصيدة السجين /عبد الرحمن القحطاني

10-25-2012, 02:03 PM

من غلطة العمر أثقلت منكبيه

والقيد والسجن والسجان والمحكمة

يا رب عفوك ولا غيرك يا رب ارتجيه

أنت أعلم الناس في عبد ضعيف ارحمه

القيد والسلسلة في ساقه وفي يديه

والليل لا حلّ حل الموت تحت لحمه

القبر قدام وجهه والكفن يحتريه

والسيف قدام عينه غايص في دمه

أخطا بساعة غضب وإبليس من يقتفيه

يرديه والذنب يا كبره ويا معظمه

يالله عفوك وغفرانك وعتق يليه

توبة من الذنب من عبد ذبحه ندمه

يالله عليك الفرج والعبد من بيحميه

غير أنت ياللي تعلم السر ما نعلمه

تكفون ياهل الظفر والجاه وأهل الوجيه

اللي ابتلا في الزمان الشين من يرحمه

ازهم وكل على فعل الجميل انتخيه

تكفى يا "هادي" والأجر من العظيم اغنمه

اعتقني لوجه ربك لا تفكر بليه

أنا تحت فيّة ايدك وأنت أبو المكرمة

والله ما بيني وبينه قضى واحتريه

ولا نويته بشر في الخفوق اكتمه

ساعة غضب تجعل الرجال مثل السفيه

تحداه للذنب لين انه يضيق نسمه

تكفى يا "عايض" وفضل العتق يبغى نبيه

والعبد للخير والمعروف من يلهمه

يابو علي اشتر الجنة مع والديه

في ساعة يفرح المؤمن بما قدمه

هذا نداء من سجين من بغى يفتديه

يسعى لوجه الكريم اللي يفيض كرمه

9

10-25-2012, 03:23 PM

الله يفك قيده جزاك الله خير يابو خالد

10-25-2012, 06:34 PM

شكرا لك ومن العايدين

10-31-2012, 01:02 AM

الله يفكـ اسرهـ ..,

قصيدهـ محزنه ومعبرهـ ورائعه بنفس الوقت ..,

احساس صادق اتمنى ان يلقى إجابه .

شكراً على نقلكـ

10-31-2012, 11:02 AM

الله يفك اسره

ويعفو ن عنه لوجه الله

11-10-2012, 10:58 AM

الله يفك اسررره
لاحول ولا قوه إلا بالله

11-11-2012, 01:13 PM

قصيدهـ محزنه ومعبرهـ ورائعه بنفس الوقت ..,

احساس صادق اتمنى ان يلقى إجابه .

شكراً على نقلكـ

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حملة اعتاق رقبة السجين حسين الداموكي الرشيدي سجين ينبع	وليد البراك	(أخـــبار قـبـيـلة بني رشــيد (عبـــس )	3	10-26-2014 09:02 AM
بسم الله الرحمن الرحيم	الطرقي	ميدان المحاوره والاللغاز	0	04-23-2013 04:43 PM
تهانينا للأستاذ بدر بن عبد الرحمن بن مطني	وليد البراك	(أخـــبار قـبـيـلة بني رشــيد (عبـــس )	14	05-16-2011 12:02 PM
حالي كنها حال السجين!	عطر الورد	القصايد المنقوله	3	06-09-2010 04:45 PM

حاصل على ترخيص من وزارة الثقافه والاعلام السعودي