محاوره ناريه جمعت بين الشاعر ثنيان الرشيدي والشاعر عبدالله الاشرم
الاشرم
يامرحبا في حفل عبس اللي يضدون الرجال
لمنها دقت طبول الحرب في ميدانها
جينا لكم بعد الثلاث اللي يشد الها الرحال
اللي ذكر ها الله وقدسها وعلى شانها
ثنيان
دام البقاء بعيال عمي والجماعه والخوال
والحفله اللي شرفتنا واكرمت ضيفانها
جيتم وجينا للمدينه من على ظهور الرحال
والنيه الحسنه تراها فتحت بيبانها
الاشرم
انت ولدنا والعيال اعيال يانعم العيال
وانقدمك بالساعه اللي يرتقص شيطانها
ياشاعر المليون مايشيل الحمول الا الجمال
وانت جملها والحموله باركه بوزانها
ثنيان
وانتم خوالي وافتخر فيكم اذا طال الجدال
واذا لقيت الحيه ام السان اقص السانها
ياشاعر المعني تراك بشمس ماانت في ضلال
وانت قريب الشجره اللي وافيات اغصانها
الاشرم
علي المحيط الاطلسي موجه تقال ابها الشمال
وقود السفينه يوم سموك العرب قبطانها
سيف العداله عدل العالم ومشاها عدال
وتري التقي يدخل بيوت الناس مع بيبانها
ثنيان
ماني مشكك في البحر والبحر دايم راس مال
مير الرعيه ماتضيع الا بسبب رعيانها
سيف العداله ضاع اله مده وردته الليال
والشرع ماهد البيوت ولا سرق عمدانها
الاشرم
قدم يمينك واشرب الفنجال من صفر الدلاال
والراعي المصلاح عانه والرعيه عانها
اللي قرصه الداب في نابه تروعه الحبال
والقوم ماتوجه بنادقها للروس اخوانها
ثنيان
لا الوعد عقب هاذي في الطويل من الجبال
والارض تعرفها ولا انت جاهلن ضلعانها
تبي نسميك القمر والا نسميك الهلال
الطيب اللي جود الخوه معها ماخانها
الاشرم
انا انضرك مثل البحر لا انت سراب ولا خيال
لاكنا شفنا فيك غبه زايدن بركانها
ان قلت للي مثل الجبل وان قلت شي او لا تقال
وان قلت جمال الجمال اللي تجر ارسانها
ثنيان
انت تشوف البرق والبراق من بطن الخيال
والبدو لاجاها المطر عبت منه صملانها
حنا بلاشنا في الدعاوي لا جواب ولا سؤال
واثر القراده ماتخلي من كثر صدقانها
حاصل على ترخيص من وزارة الثقافه والاعلام السعودي
ثنيان والاشرم في محاورة ناريه
العرض الشجري