رشيد الزلامي
الخياري شايفلي شي في نظرت عيونه /// مير لو يزعل على العتبان ترضيه الحكومه
العرب من طبعهم ماكل شي ايصدقونه /// مير تكفى عارض الطرقي وحصلي اعلومه
دحيم الخياري
الخياري ياعتيبه كلكم ما تصلونه /// والزلامي شاعرن معروف مير اليوم يومه
كان مستشفى شهار العام منفكه جنونه /// امسكم مجنونكم ولا يكفن في هدومه
رشيد الزلامي
بندقن ثارت على ذيب بعيد وجات دونه //// ما نلوم ادحيم وسليمان والله مانلومه
ياعرب وشريكم فالعلم كيف اتفسرونه /// سالفه تحرق كبود الزمل وتفطر خشومه
دحيمالخياري
بندقن ثارت براعيه وصارت في متونه /// مادرى عنها سهيل اولا درت عنها نجومه
الرجال اللي عهده كل ماتعاهد تخونه/// لو يجي رجالهم ماهو بصاحي مانلومه
رشيدالزلامي
اعتقد مافيه فرقن بينهم شكل ونمونه /// مير لا تتعب ورى الموضوع من عصر محسومه
الغشيم الي تورط عضت اصباعه سنونه /// يعتبره ورد وهي كلها بصله وثومه
دحيمالخياري
قلتلك بدري ترى سطح القمر ماتقربونه /// لو صعدتم في صواريخ الفضاء ياهل تنومه
احسبن اجمالكم فيه مع الشده مرونه ///واثر اكثره بواد السيل جربن ومهيومه
حاصل على ترخيص من وزارة الثقافه والاعلام السعودي
طاروق بين الشاعر رشيد الزلامي والشاعر دحيم الخياري
العرض المتطور
