الشاعر \ موسى عمران بن جعيمير

من سلايل عبس ما فيهم ذليل


بسم الله الرحمن الرحيم

هذه قصيده قالها / موسى بن عمران بن زبن الجعيمري الرشيدي

بمنااااااااااااااااسبة

حفل زواج كل من / حمود وابجاد ماجد وعايض بن عابد بن ماجد بن عايش

عد ما يرحل وما حل الرحيل
أوعدد ماهل بالشَّهْر الهلال


أو همل وانهل همال المخيل
واحتدم سيله على جرد السهال


أو عدد مازار جيلٍ بعد جيل
عند بيت الله حلو للرحال


السلام أبداه بالقول الجزيل
وبعد ما سلمت حييت الرجال


من حضر تشريف للحفل الجميل
شرَّفو حفل ابو عابد للعيال


زاد نور الحفل ما كنا بليل
يوم جيتم يالكريمين السبال


عند رجلٍ بالكرم ماهو بخيل
ما يحسّب للدقاق وللجلال


يذبح الجزلات ما يذبح هزيل
ماجد اللي كل مدحٍ به يقال


من سلايل عبس ما فيهم ذليل
ينطحون القوم في يوم القتال


يقصرون بشبر من باعه طويل
كان نار الحرب صار لها اشتعال


هم ذر المحتاج هم زبن الدخيل
هم هل الفزعات وان حل المجال


من سخاهم ما يمدون القليل
ولا يعدّون الدراهم راس مال


للخوي والجار والضيف النزيل
شجرةٍ فيها المعزَّه والظلال


شجرةٍ حنا لياقل المقيل
ما يقص اغصونها كثر الجدال


أصلها ثابت ومنشاها الأصيل
قادها للمجد مع شم الجبال


قص غصنٍ من ذراها مستحيل
كل غصنٍ عند غصنٍ له جلال


قلتها واعطيك بالصدق الدليل
انشد التاريخ عنَّا ويش قال