قصيدة مهداه من الشاعر حجي العايضي للشاعر سالم سلمان

بسم الله الرحمن الرحيم

صباح الخير للجميع

هذه قصيدة مهداه

من

الشاعر حجي بن فرحان العايضي

الى

الشاعر سالم بن سلمان القلادي

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سلام يا سالم وصبحت بالخير = يابن حمد يابن الرجال القرومي
يازبن من شانة عليه المقادير = يابو اللزوم اليا بدالي لزومي
زبونها لا لولشن الغنادير = ولامنها وصلت للمس الخشومي
وافي ولك عند اهل العرف تقدير = معروف قسمك من خيار القسومي
جيتك ولي حاجه ولابغي معاذير = ولابي وعود مكثرين العلومي
ابي كلام(ن) يعتمد منك ويصير = في جاه من بامره تغيب النجومي
قل تم انا طالبك من دون تأخير = خل العذر لأهل الردى والرخومي
انته ولد سلمان واسمك على الزير = في ذمتي لاطبت منت مهزومي
وريث عود(ن) مايهاب المخاسير = واليا نصي ماتضيق فيه الهدومي
ناصيك تكفى ياسليل المناعير = يابو اللزوم اليا بدالي لزومي
[/poem]

وسلاااااااامتكم