قصيده بعنوان (إن كان يارع العسل)

الشاعر/ فوزي ابن مربح

وقلبي اللـي بيـن الإضـلاع ينتـل== تلت قطيـع الـذود لاخالـف الـذود

فـي مهمهـاٍ قاحـل سرابـه تخيـل==لعيون وأكباد العطـش عـد مـارود

لاهنـت ياحـي (ن) بوقتـه تولـول==راعي نقاء عنـده مواثيـق وعهـود

الشمس من فوقه ومن تحتـه أضـل==والحلق يابس تجرحـه نسمـة النـود

يامهـدي ألجـوري ويامهـدي الفـل==في وقت مايرحم وحاسـد ومحسـود

( ليا متى والحـال تنحـل والحـل )==(موجود ) لكن كـن ماهـو بموجـود

وليا متى أتقدر علـى شـان وأتجـل==واليا متى والعـود مايلمـس العـود

يامجتهـد يامرتجـي ليـت يـاعـل==حبل الرجاء ملوي ومثنـي ومعقـود

قاض القضاء شاف النقـي ويتمهـل==وان قلت نفـذ قـال ماقلـت مفقـود

أنت بدويـن مـاش عنـدك موهـل==والسالفـة تبقـى هواميـر وبـنـود

كثرة هموم الناس والمهتـدي ضـل==والضلم قام يـزود ويـزود ويـزود

( وان كان ياراع العسل واصله الخل )==تعوض الله باالعسـل واتـرك الفـود

هذا كلام الصـدق لا كثـر ولا قـل==يااللـى دلليلـك يثبتـه رأس منشـود

أصدع بسيف الحـق ياشيـخ واقبـل==وضح لمـن غشـه سعيـد ومسعـود

لا نـزل الثفنـه عقـالـك تـوكـل==ثم اجتهد وتشـوف ناتـج ومـردود

انته بعصـر العـز والغـش والـذل==تشوف فيه البيض وتعود لـك سـود

قامت به اعفـون المجالـس تمرجـل==وقامت به العذراء أطالب على الـزود

وقام الظـلام أيـزود فـوق المعـدل==والصبح يتنفس وعـد غيـر محـدود

عمر الحياة وتركـض النـاس وكـل==والعبد له يوميـن مشهـود موعـود

الله علـى الأيــام والـوقـت الأول==يوم الجواهر صافيـه علـم ماكـود

شاعر وفي ذكـر الحقائـق مخـول==تعبير عن موقف وجاحـد ومجحـود

أسـج فـي دنبـاء الـوراء وأتمـل== ثم انكسـر وقـول عفـوك يامعبـود