شب العتب في جوف الأحلام شبه
وأترك أمانينا على دمعة الخد
أقولها من خافق مالعبّه
غير الأمل في رحلة ٍمالها حد
تقريرها في وسط قلبي تصبه
بين الرجا والياس من يعذر الرد
أجمع على شانه طيوف المحبه
وأهمل ظروف الوقت ومعانق الصد
أحيان أحس متابعه لي محبه
وأبني على طلة تعابيرها ود
وش عاد لو مدحه بوجهي مسبه
معذور مزح الحب لو ينقلب جد
أكبر أماني خافقي..؟ لو تحبه
حبل الرجا في وصلها يطلب الشد
ما للأمل في وسط الأحداق سبه
ألا عيون ٍسعدها طلة الغد
ليل الهوى من يستهيض لمهبه
ألا خفوق ٍفيه الأشواق تنهد
إليا تمادى ضيعه وسط غبه
وإليا تهادى تعذله مدة اليد
قال الغلا: عن عين الأحساد...خبه!!
لاجيت أهون عن محبته وأرتد
قصر الهوى مايملكه من يطبه
ألا غنوج ٍبالحلا مالها ند
خده شفا روحي والأهداب طبه
مدام شعري في رجا القلب منحد
قولوا له أني ماعذرت المحبه
دام الليالي كلها صد في صد
حاصل على ترخيص من وزارة الثقافه والاعلام السعودي
وصلك تعب
العرض العادي
