بـني رشـيد بـجـيتك جـاء عـيدهـم سـر وجـهار

	هذي القصيدة قالها الشاعر كريم سالم الصمر الوهيداني الرشيدي في سمو الامير مقرن أبن عبد العزيز أمير منطقة حائل عندما زار قرى بني رشيد وأفتتح مستوصف قرية المعرش وثانوية مدينة الحائط ... ســلام ياولــد الــرجال اللـي حــمـو مـليون دار *** ولــد الــرجال اللي حـمو ديرة بعيد حـدودها اللـي حـــموها ونـصبوها في الجلالة والـشعار *** فـي كـل يــوم ولــيل تعجبنا ويعجب زودهــا الله ذكــر مــايحط في حـكم الـكـتاب الا الخيار *** وأنـــتم خــيار الــقوم من فـريسها و وفــودها عــبد الـعزيز الي حـــمـاها عـن شقاها والغبار *** لـيا مــاجعلها طـاهـرة بيضاء بــراد بــرودها اللي حماها من حدود طريف الى حدود المزار *** فـي سـيفاً أمـلح واللـهب يرسل عـلى بارودها مــن ينبع الــمغرب اليا الــدمام لـحـدود الـبحار *** حـول عـلى حمر الطرابيش وفـتر مـجهـودها اللــــي حـــكمها بالــشجاعة مــاحكمها بالقمار *** مشى على سـبت القدم حتى صفاء مرغـودهـا حــراً تــوفى ثـم عــــقـبلة عــلى سـاقة حــرار *** يــلله عــساة بـجـنة الــفــردوس يامــعـبودهــا عـــقــب حـرارً فـضلها ضافاً عل كل الــــديار *** مــأكر حـرار من أول الـدنيا حـرار جـدودهـا آل ســــعود اللي على العدوان ضيقة وأنـحشار *** مثل الصواعق يوم ترجف في ثقيل رعـودهـا عـلى العداء مثل النجوم اليا أستقلت بن صخار *** تــجعل مـراقـيب الـصخر بيداً تساوي نـودهـا مــخـص فـيهم كـلبوهم نــورهــم مــثل الــنهار *** وعـــلومي اللي قــلتها كل الــرجال شـهودهـا والـــــيوم حنا فيك نفرح والـــفـرح عيد العمار *** يـامـقـرن اللي شـوفـتك نور البلد و ورودهـــا بـني رشـيد بـجـيتك جـاء عـيدهـم سـر وجـهار *** تـفـرح بك الـديرة وأهــلها ياســـعـود زنودهـا حــنا أنتشرف فـيك ياسـتر الـصغار مع الـكبار *** ياســتر تــلعات الـرقاب البيض عن مـنقودهـا الـناس تــمشي فـي ذراك ومــا تحسب للـدمـار *** ولارض تخسف من شـجاعــتكم بكل قرودهـا الله يــبـقـيكم عــلى الـدنيا لــنا ذخـــر إنــتصار *** حــتى الـعـداء عـنا تموت وســمها بـــكـبوهــا فـــي ظـلكم نــمشي على عز وطهارة وافـتخار *** والعالم اللي مــاتـصاحبكم تــموت جــــلودهـا هـذاء كـــلامي واختمة في ذكر نـور الانـتشار *** مــحـمـد الـلـــي طهر الــــكعبة وزال يـهودهـا الشاعر : كريم سالم الصمر الوهيداني الرشيدي