دار الهواء فـوق الشجـر بإندراجــــه
وانا هـجـوسـي تتـبـعـه كـــل مــــاراج
القـلـب نـسـمـات العـلـيـل ابتـهـاجـه
والفـكـر خلـتـه الدواكـيـك مـسـهـاج
فـجٍ خــلا لاضــاق صــدرك عـلاجـه
يغنيك عن بعض المجالس والازعاج
سـحـابـة الـبــارح قفـتـهـا عـجـاجـه
يلعب بهـا صلـف الهـواء مثـل الامـواج
هـبـت هـبــوب مـدوريــن اللـجـاجـه
يـفـرح بـزلـة صاحـبـه كــل هـــراج
مـن غيـر سبـه عاقـدٍٍ لـك حجاجـه
لو إن مالـه مـع هـل الطـيـب مــدراج
اثــر الـعـوج دايــم يـحـب الـعـواجـه
لـو ينعـدل يـرجـع لسـاسـه وينـعـاج
مايسـتـوي طـعـم الـقـراح وهمـاجـه
ولا يستـوي نقـع الصفـا مثـل هـداج
الله ولا مــنــة مـحـسّــب خــراجـــه
شين اللغا ومن البطـر لابـسٍٍ تـاج
والله مـايـذبـحــك يــاكـــود حــاجـــه
لاصار في وجهك حيا وانـت محتـاج
بالعـسـر يـسـر وللهمــوم انـفـراجـه
يجيلهـا مـن والـي الـعـرش مـخـراج
ارفـــع يـديـنـك للـسـمـا ثـــم نـاجــه
يظهـرك لو دونـك شرابيـك واسـيـاج
الشاعر:مجعد بن متعب الرشيدي
حاصل على ترخيص من وزارة الثقافه والاعلام السعودي
الله ولا منة محسب خراجه
العرض الشجري