شيخة قصيدي وام شعري

للتواصل مع الموقع اقدم لكم مع التحية

يالله ياللي بيدك الرزق والمغفره = ياخـــــــالق الكــون والدنيا وجنة عدن
سبحانك انت العطا والجود والمقدره=من مدك ايدين اكارم خلق ربي عطن
كرمك يحي الخبوت وبيدها المدهره=لاقلت للســحب صبن هللـن وارعدن
بامرك يساق السحاب وينهمر ممطره= على بقــايا الجــذوع الميته وايحين
يصير وجه السهال الشاحبه مخضره= تلــــــم للما وللخضرة ووجهأ حسن
بقدرة القادر اللي ماحدن يقدره=ســقي مالاتســقي الايـــــدي ولم يزرعـــن
استغفره عد من هلل ومن كبره=واعـــوذبه من خطـــا نفسي وســؤ الفتــن
يارب انا عبدك اللي من ذنوبه كره=نفسه وماتهوي الانفس وما اتلذذن
من هم مستور ذنب وهم كيف استره=لامن الاعضا من الهيبه علي اشهدن
انا اشهد اني كرهت الموت والمقبره=خوفٍ من الذنب ماهو خوف قبر وكفن
واسجد على جبهتي لله واستغفره=والذل يرجف بالاعضا السبع يوم اسجدن
واقول يالله قبل موتي عساي اقبره= في مقبرة كن ذنب العبد مالم يكن
يا كثرمالنفس بالغفران مستبشره=مادام الايمان يملا الجاش راحه وامن
ان ينصرالله من طاعه ومن ينصره=يارب نصرك على اهوى النفس لاسترسلن
ثبت فوادي على التوبه ثبات انحره=على حنايا الضلوع العوج واللي حون
واجعل مدا توبة الشاعر ليامقبره=عمر الديانه وقبرالشعر صوت ولحن

******** type="text/**********">doPoem(0)***********

صح السانك يا(الصرح)عبيد الداموك
على هالقصيده الرائعه التي تستاهل هذه التسميه
والابداع ماهو غريب على شاعر كبير مثلك

صح السانك ياعبيد الداموك (الصرح)
على هالقصيده الرائعه

صح السسسانك رو و و عه

ما شاء الله عليك الله يزيدك من الخير

صح السانك شاعر وانا من جمهورك لاعدمناك