الشاعر/ هاجس الذكرى
حييت يابرقن شلع تالي الليل
برقن يضوي دمسة اليل لالاح
برقن يبشرنا على طيحة السيل
بدا بمبداء اليل لين اضحا انضاح
يتليه رعاد السماء والمخاييل
وبدا مطرها حزة الضوء ينباح
قام يتطايح من بردها هماليل
راحت تطايح من سماها بالالماح
والارض راحت كلها بالمساييل
وراح الثرا ريحه له اشراح واشراح
وقمت اتمنى للخوي بالتخاييل
ابيه صقرن بالجناحين صفاح
نبي نقوم ونحتزم بالتساهيل
ونركب على الفكسار والبال مرتاح
اثنين وصفر واحدين المدايل
نبي نغيم جونا كله افراح
نبي نقدهـ دلة الصبح بالهيل
من عقب مانصبح على خير وارباح
ومن بعضنا ناخذ علوم وتماثيل
ونبعد عن هروج النمايم والانباح
والعمر فاني مابقى به تقاليل
هذا هوى نفسي وكلن له ابواح
كتبت الابيات ابليله من الليالي وانا جالس اشوف البرق
وحبيت اشاركم فيها
اتمنى نكون وفقنا فيها
تحياتي لكم
حاصل على ترخيص من وزارة الثقافه والاعلام السعودي
ابيات شعر يوم شفت البرق ضاحمني لكم
العرض الشجري