من جزل الاشعار مايلفت حضورالرجال

اعزائي أعضاء وزوار موقع الجميع إليكم القصيدة التي قلتها بحفل زواج
أخي الشاب / مشعل بن ثامر الرشيدي 16/7/1431ه بقاعة البستان بحائل

[poem=font="simplified arabic,6,black,bold,normal" bkcolor="transparent" bkimage="backgrounds/18.gif" border="solid,6,firebrick" type=1 line=0 align=center use=ex num="0,black""]
ياهاجس الشعركان الشعر جاله مجال=عطني جزيل الكلام من القصيد الفريد
من نقوة افكاري اللي ماعليها محال=عن ماقفي لابغيتك خابرك ماتحيد
من جزل الاشعار مايلفت حضور الرجال=نوادر حفظها قدام أكرر واعيد
ماقول انا الشاعر اللي بس قال الجزال=لكن انا ضمن من يطمح لجزله يصيد
شاعر واعرف الدروب اللهينه والثقال=ولياتبينت بالميقاف كل يشيد
وفي حفل من يتعزي فيهم زحول العيال=افخر وماري ولاني في فخرهم وحيد
مافيه رجل مايفخر في فعول الخوال=على قديم الزمن ولا الزمان الجديد
وفي حفلت اللي بطيبه من قديم ولازال=ابو مشاري مع افراحه فرحنا يزيد
على خطى العود واخوانه يشد الرحال=اللي على الطيب منهجهم وراي سديد
سلايل اللي بطيبه مايجيبه جدال=عود تفاخر به احفاده ونا له حفيد
ذكره بدنياه وبدينه حميد الخصال=عساه في جنة الفردوس يوم الوعيد
وللي حضرنا وشرف من كرام السبال=من الحضور القريب ومن حضور البعيد
ترحيب كامل ولله العزيز الكمال=ترحيب مليون وسوقه بحرف النشيد
في ليلة في فرحها غير كل الليال=وبحضوركم تكمل الافراح وايضا تزيد
ومدام زبد الكلام قليله عن طوال=هذا من الموجز اللي قاله ابن عبيد [/poem]
الشاعر مبروك بن عبيد العجوني

صح لسانك يابوعبيد قصيده رائعه
جداًوتفاعل الجمهورمعها دليل ٍ على جزالتها
ومشكور على المقدمه الرائعه لبرنامج الحفل
وبيض الله وجهك على جهودك الجبار
على نجاح الحفل
تقبل مروري

صح السانك قصيده جزله

صح السانك يابو عبيد قصيدة جزلة

وبيض الله وجهك على الجهود المشرفة الطيبة

لك مني جزيل الشكر ..

صح لسانك قصيدة جزله

تقبل مروري

صح السانك وعتلى شانك

اقتباس:
المشاركة الأصلية كتبت بواسطة وليد البراك
صح السانك وعتلى شانك

صح السانك يابو عبيد على القصيدة الرائعه ودايم تكون متواجد ولك بصمه بجميع المناسبات

وفق الله وجعلها بميزان حسناتك " تقبل مروري واعجابي وتحياتي الصادقه لك "

صح لسانك قصيدة جزله
تقبل مروري