ياشيخ ماتنجبر نفسن وهي حره

ياقاظي المسلمين أطلق نشب نوره
ياشيخ ماتنجبر نفسن وهي حره
الشاهد الي شهد مسؤول عن زوره
وش موزمه يشبك العربان في شره
والبيظ ماهي لبعظ الناس مجبوره
والخلف عند الغصايب ينشفع دره
أن كان حل النشايب مالها سوره
الله سريع الفرج يازينة الغره
يازينة الوصف أناماشفتلك صوره
ألا عنودن قنصت وشفتها مره
العين عين أشقرن في راس شنظوره
فرخن على أول مطيره بأول الفره
يابوقرونن على الأمتان منشوره
من شافها حالته ماهي بمستره
وجدي وجود اجربن في عرظ قاشوره
هرشن حداه الظما والحال منظره
ورد على عيلمن بالورد ماثوره
ولاوافق الا مكافي الحوظ والجره
يبا عذي الروى والنفس محشوره
حاله سرقها الطنا والكبد محتره
عليك يالي زهيت اللبس وخصوره
انا طريح الهوى وأنتي على سره


....................................
الشاعر الشيخ
مصلح بن هملان الخرم المضيبري


(القصيده قديمه )

صح السسانه قصيده رو و وعه لو أنها قديمه _الزين زين لو انه قديم احسنت الاختيا ا ا ا ا ا ا ار

صح لسانك.. والزين زين وبينات(ن) رسومه
ولاهنت القصيده الجزله

شكرا على مروركم العطر