حصلت ووصلت فيك من غير تفكير=لكن عساها يوم حصلت تعدي
ولافيه عنها يوم حصلت معاذير=ولافيه لو صديت عنها مصدي
قصه لها خطه وشطه وتأثير=جميع شي بوقتها صار ضدي
ابا تحملها ولو هي مخاسير=لو هد منها الحال والحيل هدي
والنفس منها حاشرتها حواشير=حاولت اهديها وعيت تهدي
ياليت لي جنحان يارب واطير=باي طريق(ن)عن غثاها يودي
عن وضعها تعجز قصايد وتعبير=اشوي والا انباح للناس سدي
جتني بلحظه مابراسي عياطير=ياقو طعنتها وياقو ضعفي
ان الله احياني تهون المشاوير=وان مت من تأثيرها موت جدي
ياشينها لاجتك من غير تحذير=وانت متعشي زين ولا متغدي
******** type="text/**********">doPoem(0)***********ـــــــــــــــــــــــــــــــــــــــ
ـــــــــــــــــــــــــــــــــــ
ارجوك بعض المشاعر لاتهزهزها = ترى المشاعر تألم عند راعيها
وترى النفوس العزاز الها حواجزها = وحواجز النفس ستر (ن ) من خوافيها
لا تقول لك كلمة (ن) تحسبك تحرزها = وتطيح لاقمت منها منت قاويها
وان قلت لك كلمة (ن) حاول تركزها = ولا ترى الصمت خير (ن) من حكاويها
ودعواك لاصار ما تقدر تنجزها = ازبن على واحد (ن) ساعه وينهيها
ولا تجود على صبر (ن)يعجزها = وتجيك في وسط بيتك ما تناديها
وكم واحد(ن) حاجتها بالصدر يكنزها = من قل من يستمعله يوم يبديها
يخشى من اللي يهمزها يلمزها = يضحك بعض ناس لاكن ناس يبكيها
وشكواك لابن الردي حذر(ن) تعنزها = يفضحك وتروح فيها وانت كاميها
وعليك تكبر ولا تقدر تميزها = وتضيع في طوشة(ن) تبلش بتاليها
والسالفه يقدر الواحد يلفزها = ويقدر على ناس من شكله يمشيها
ولاتشغلك حرمة(ن) منت متجوزها = تطرد وراها وغيرك يهتني فيها
ولا يفرحك شوف الارنب لو تنقزها = مادام ما شفتها بالنار شاويها
ولاتحسب (ن) الذهب باي يد(ن) يزها = ترى الذهب ما يغير لون اياديها
والنفس حاول بحد اقصى تعززها = نفس(ن) بلا عزها ماني مداريها
والناس لاتقوم بعيونك تخززها = احمد على العافيه واسلك مماشيها
ومن طاوع النفس تشقيه بغرايزها = ومن طاوع العقل يسلم من بلاويها
والمرجله ماتحب اللي يهاوزها = تبي لها واحد(ن) دايم يحاضيها
واللي عيونه مع الظلما يغمزها = ماحد(ن) درى عن عيونه لو يعنيها
ونفيستك وانت فاني لاتغزغزها = المقبره بأنتظارك وانت ناسيها
والناس دورات قادرها بعاجزها = ماخلق جنه ونار وزعوا فيها
وناس(ن) مع الله وناس ابليس ناغزها = سبحان من ظل ناس وناس هاديها
وناس(ن) تعلت وعلتها مراكزها = وناس(ن) تبي الطيب مير الطيب فاحيها
وناس(ن) تحفز ومعروف(ن) تحفزها = وناس(ن) تبي من يشيمها ويعطيها
وناس(ن) تلعوز وتسلم من تلعوزها = وناس(ن) مع اللعوزه تبطي لياليها
وناس(ن) تبي نبز ناس وناس تنبزها = نابز ومنبوز لين الموت يفنيها
وناس(ن)عجز رزقها يكمل عوايزها = لاهي فقارا وهي مالله مغنيها
حتى العجايز تبي ناس(ن) تهمزها = العافيه والظنا ماهو مكفيها
وان قمت اعاند تفاكيري وابارزها = صارت حجاوي وانا ماني محجيها
******** type="text/**********">doPoem(0)***********ــــــــــــــــــ
ــــــــــــــــــ
ــــــــــــــــــ
لاوهني الناس تدله مع الناس = وانا عجزت القى مع الناس ناسي
انا هواجيسي ليادك الادماس = عليً دكن مع دكاك الدماسي
ما مر يوم الا وبالقلب هوجاس = والله مادري كيف ما شاب راسي
باسباب محبوب(ن) من البيض حساس = ماشفت مثله في جميع الجناسي
خل(ن) بني حبه بقلبي على ساس = ورسى كما ترسي جبال رواسي
اسمه بقلبي كاتبه بين الاقواس = اربع حروف(ن) حطم(ن) قلب قاسي
ابو عيون(ن) كنها عيون قرناس = شاف ابرق الجنحان بين الهراسي
لو مادرس بالمدرسه عدم الاجناس = زينه وعقله مستواه الدراسي
غبت بحر من طب في وسطها انحاس = اوصاب عقله من هواه انتكاسي
حبه تحول تالي الوقت وسواس = لامدرك(ن) وصله ولاني بناسي
لو اقدر اصبر واقنع النفس لاباس = لكن عجز عن مقصد النفس باسي
دخلت مستشفى الروابع والاخماس = وكتبتله في قلبي اسم(ن) خماسي
واخذت انا وياه مده بلا وناس = وقبل حلول اهمومها والمآسي
واندارت ايام السعاده بلا تعاس = وكل(ن) شرب من مر فرقاه كاسي
هو يحسبني طعت عاذل وبلاس = وان زماني صار فيه انعكاسي
ومن بعد هذا حال من بيننا الياس = ولازال حبه هو بلاي الاساسي
******** type="text/**********">doPoem(0)***********
ــــــــــــــــــــــــــــــــــــــــــــــــــ ـــــــــــــــــ
وهذي القصيده نسبة اللي احد الشعراء ولاكن في الحقيقه انها لشاعر عبد الله باتل (لبحر الميت)
سر يا قلم مالي على الصبر طاقه = صبرً تعدى الحد ماعاد ينطاق
واكتب لمثلي قصته واشتياقه = في خطك الواضح على بيض الاوراق
قصة حزينً صافي المر ذاقه = وليا ذكر ماصارله خاطره ضاق
باقوبه الاصحاب والوقت باقه = اصبح ضحيه بين بايق وبواق
يمشي وهو ماحس في كسر ساقه = امسى على ساقين واصبح على ساق
وهاذي اسوات الوقت شين اصطفاقه = الوقت لو يصفيلك ايام دراق
ان شان قطع معك كل العلاقه = وان زان خلالك مع الناس عشاق
ومن شان معه الوقت قلو رفاقه = وراحت حياته كلها هم واقلاق
والله خلق خلقً تحب اللباقه = كما خلق له خلق ماعندها أخلاق
احد يعيش بخير واحد بفاقه = واحد يعيق ايام وايام ينعاق
واحد معه حكمه وصبر ورواقه = سبحان منهو للمخلايق خلاق
لاكن يامن معك عقل وثاقه = ابنصحك كانك للامثال تشتاق
لاتنخدع باهل العلوم الرقاقه = اللي سوالفهم توهق توهاق
صادق رجالً يعرفون الصداقه = يقفون صفك يوم يبسات الارياق
من رغب في فرقاك فارغب افرقه = جاز الذي يجزيك افراق بفراق
وتعلم التعشيق قبل السواقه = لاتحسبنك بالدرقسون سواق
ورزقك يجيك بدون تحضر بطاقه = وعند الله المعبود تقسيم الارزاق
يقولها اللي جاير الوقت عاقه = ولازال في غيبوبة الهم مافاق
من انعزاقه باديً بأنعزاقه = واللي يوده صار شوفه بالاشفاق
ولاقال هذا القول قصده طفاقه = ماقال هذا غير من نار الاشواق
******** type="text/**********">doPoem(0)***********
ــــــــــــــــــــــــــــــــــــــــــــ
ــــــــــــــــــــــــــــــــــــــ
البارحه ليلي هموم وكوابيس = وابعد من الجوزاء علي الوناسه
ماغير انا والليل والثالث ابليس = كلن على الثاني يبيله رياسه
مدري ظروف او حب ولا هواجيس = والا الثلاثه كلهن فوق راسه
اون عقلي صايرن فيه تنكيس = وللعقل في بعض الامور انتكاسه
يا لايمي لاتلومني قبل ماتقيس = واللوم للميس يزوّدبياسه
والشمت طبع للرجال الهلابيس = اهل الهدف والنمنمه والبلاسه
وانا معي عقل ومشاعر واحاسيس = وعيون واخلاق وقلب وشراسه
لكن حصلي من زماني عواكيس = وعجزت هذا الوقت لا اعرف لناسه
هذا يموها بهرج تماليس = وهذا يتجاهلها عناد وخساسه
وهذا يغرك مظهره بالملابيس = وهذاك يلبس لبس ماهو لباسه
وهذا تذعذع له هبوب النسانيس = وهذا تقل امغمغمله بطاسه
واليا حصلك من زمانك كعاميس = اصبر وللصبر الجميل انعكاسه
تدرسك دنياك من غير تدريس = ماهو لزوم انك تدرس دراسه
وللناس بالدنيا حظوظ وقواميس = اللي غرف بدرام واللي بكاسه
وناسً تهجس في غثى الوقت تهجيس = وناسً تسايسها وتاتي سياسه
وناس تبي عرشً مثل عرش بلقيس = وناسً تبي لو يوم فرقا التعاسه
وترى الردى لو فيك سوى نواميس = ينقد على نفسه ويرجع لساسه
والتيس مثل العنز كان انخصى التيس = والتيس ماهو تيس لولا التياسه
قنعت واقنعني كتاب الوساويس = لكن عقب ما صرف شيك الفلاسه
ــــــــــــــــــــــــــــــــ
ــــــــــــــــــــــــــــــ
ويـن الـعزا يـوجد على يأس فرقاك =يـوم(ن)يأسك قـام يـغلب رجـاكاا
وقـامت شـوي شـوي تبعد مطاياك =حـزم(ن) نبأ دونك وحزم(ن) وراكاا
وهـبت ريـاحً عـجها دمـدم خطاك =لـين إنـمحت برضي مواطي خطاكاا
وتـعـسرت شـوفتك مـاني بـوياك =عـسـر هـنا شـوفك وعـسرهناكاا
وعـزالله إنـي بـالتلاقي مـعك شاك =ونـجمي بـدأ ضـوه يـغور بسماكاا
أنـساك لامـاانساك مـنساك مـنساك =الله يـنـسى مـن عـرفك ونـساكاا
بـلـيتني فــي حـبـك الله يـبلاك =مـن شـأن نـصبح بـالمحبة شراكاا
ومـنك أنت ماجاني منك غير ماجاك =لـكن خـدين الـنذل جـاني وجـاكاا
والموقف اللي غيبة الشمس ماارضاك =وأبـكـاك وأحـرقني ونـبة هـذاكاا
فـرقـتنا مـن غـير قـصدسواياك =والـعـيد جـبـته فـينا الله هـداكاا
وأقـفيت مـن عندك وأنا كني إمعاك =وكـل سـحب نـفسة بصمت ونواكاا
وعـلي تـخطي لـكن أدمح خطاياك =وتـزعل وتـرضى من خلاك بخلاكاا
وأنا أبخصك وأبخص خوافيك وأقصاك =وهـذا الـكفيل الـلي تـكفل غـلاكاا
وبـعدي عـنك يازين أدركني إدراك =ولـقيت عـذروجيت لـجلك نـراكاا
جـيت بذكاء مااذكاك مااذكاك مااذكاك =يـالـلي عـلـيك الاذكـياء مـاتذاكاا
مـااجملك يـالغالي بـعيني ومأاحلاك =أنـت الـغلا وأنـت الـحلا والملاكاا
غـير الـجمال الـلي ذبحني وغواك =عـفـيفةٍ نـفـسك وحـلـوٍ نـباكاا
ودنـيـاي شـالتني وشـالتك دنـياك =عـقب الـسوالف والـدلع والـمراكاا
ولاهـي بـعيني شـئ دنـياً بـلاياك =الله يـلـعـنها ويـسـعد مـسـاكاا
ومـسـموم حـبك يـاحبيبي وفـتاك =وكـل الـمشاعر دب فـيهن هـواكاا
مـع الـقمر والـريح وأسوار وأفلاك =أنــا وهـن قـمنا نـدور بـرجاكاا
وفـي كـل حين يمرني طيف ذكراك =وأجـنح مـعه عـبر الـخيال ومعاكاا
ولايـصورك طـيفك عـلى ماتمناك =وفـي طـيفك أشياء ماحيه من بطاكاا
تلوحلـي صـورتك بالطيف مناك =وعـنـي تـلوذ بـسرعةٍ وارتـباكاا
ويـكفخ عـليك الـقلب والنفس تبغاك =ونـفسي وأنـا والـقلب قيك إنشكاكاا
وتـشتاق يـاالغالي عـيوني لـرؤياك =ولـو مـاعليها أمـون يـمكن تـباكاا
مـالك عـوض عـندي ولامنك فكاك =مـايـفكني مــن حـبـك الالـقاكاا
والـكبد مـايروي ضماها سوى ماك =ولامـن ضـماك ولاهـواك إنـفكاكاا
ولـوكل عمري ضاع ماادركت لاماك =أنــا وعـمري كـلنا مـن فـداكاا
******** type="text/**********">doPoem(0)***********
ــــــــــــــــــــــــــــــــــــــــــــــــــ ـــــــــ
بين العقل والنفس والقلب iiوالعين =عرف (ن) قديم ولغز واشيا عجايب =
ولادري اسباب المعاناه من وين =ومن فيهم المخطي ومن كان صايب =
سألت نفسي قلت وشبك iiتلوين =وشفيك ضقتي من هبوب iiالهبايب =
ردت بحزن ولطف وبخاطرن iiزين =القلب والا العين منه iiالسبايب =
وسألت قلبي قال وبخاطرن iiشين =على دايم ينسفون iiالمصايب =
وانا اتقلب ماتعرفلي iiقوانين =من عام الاول علمنا بالحبايب =
وسألت عيني قالت الله من iiالبين =والله من شوف الفتن iiوالغرايب =
قلت ايه نعم بس احذري يوم iiتبكين =وانا عن اللي كان يبكيك iiتايب =
وسألت عقلي قال بعدين iiبعدين =اعلمك لاصار خاطرك iiطايب
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
بعض قصائد الشاعر عبد الله باتل
العرض العادي
