دحيم الخياري
اول بدى مساكم الله بالخير
والثانيه يامرحبا بالجماهير
والثالثه تعال ياتركي امطير
من شان خاطر عين تكرم مدينة
قال الرشيدي في محل الوفا بني رشيد=يامرحبا فيمن حظر والنار من شبابها
البرق يبرق بالمخايل من قريب ومن بعيد=والبدو يردون المطر والنار من شبابها
تركي الميزاني
لاهنت فيما قلت يالشاعر ادحيم
والطيب له بين القبايل مراسيم
والوقت كله يالسنافي مقاسيم
من شان خاطر عين تكرم مدينه
دام البقى والله يقدر ما يشاء ومايريد=لكن عجل بالخبر والنار من شبابها
يالصاحبنا قال المثل مال الحديد الا الحديد=والوضع له لفتت نظر والنار من شبابها
دحيم الخياري
لد النظر والشوف ماهو قريب
وانت شباب وشفت راسك مشيب
علم الوفا يستاهله كل طيب
من شان خاطر عين تكرم مدينه
ترا العلوم تزيد والعالم على الكوره تزيد=اخذ الخبر وارسل خبر والنار من شبابها
نبا نسولف معك تال الليل بمعنى جديد=يعل قلبك من حجر والنار من شبابها
تركي الميزاني
يلي تبا المشاور جيتك تولم
انا معلم ما حضرت اتعلم
ماني بشايب يمكن انك تحلم
من شان خاطر عين تكرم مدينة
قريت عنوان الرساله يوم جتني بالبريد=من يمها مامن خطر والنار من شبابها
المعركه سيف وقنا والموت بحبل الوريد=ياصاحبي وش تنتظر والنار من شبابها
دحيم الخياري
اكرب حزامك لا تلحس براطمك
منتا معلمني ولاني معلمك
اللعب على معنى علشان اكلمك
من شان خاطر عين تكرم مدينه
والله ما قابلكم غير بحد سيف ابن الوليد=خلك بشر مثل البشر والنار من شبابها
التاجر الي بالبنوك العالميه رصيد=فالوقت مالحقه خطر والنار من شبابها
تركي الميزاني
اشرهه على نواف ولا انت لا لا
وقول ياسبحان ربي تعالى
فرق عقول الناس لو هي تحالى
من شان خاطر عين تكرم مدينة
ترى سواتك يوم يلعب يستفيد ما يفيد=والعين مكسبها السهر والنار من شبابها
السعاده ياطويل العمر بالوقت السعيد=والعافيه ع** القشر والنار من شبابها
دحيم الخياري
الموت ما تبغاه الاصحاب والقوم
لكن يزور الناس بليل واليوم
واكثر جماهير اطلعو لام كلثوم
من شان خاطر عين تكرم مدينة
يوم انه تركي طاح لا ينقص مطير ولا يزيد=لكن خلوه بصقر والنار من شبابها
حاصل على ترخيص من وزارة الثقافه والاعلام السعودي
محاورة دحيم الخياري وتركي الميزاني
العرض العادي
