تعال ياسباح البحور

يامرحبا ترحيبة ن تمشي على كل اتجاه = الخير في مضمونها والشر في مضمونها

سباح رجال شقردي بس مدري وش بلاه = يكف ليلي مايوقفها على مجنونها

نقول لك فيك البقا والنجم عانه في سماه ... مش المعاني مشها والي وراها دونها ...
قيس الملوح في زمانه عاش ماعشنا معاه ... له قصة ن نسمع بها قدام لاترونها

انا بصدري علم مايحتاج لفت الانتباه = ياللي تحفضون الوصايا الخمس لاتنسونها

اللي مضى في صفحة التاريخ مانطرد وراه = حنا نبي لامن عطيتو كلمة ن توفونها

لأتحسب الدنيا صيام وتحسب الدنيا صلاه ... زك الزكاة ولاتلفت فالعرب وضنونها
الي يومي في عصا الفتنة تبا تكسر عصاه ... من فوق راسه والفراعن ماعصو فرعونها

السالفه في ذمة اللي يعرف البير وغطاه = جاتك على وضح النقا ولون القمر من لونها

انــتــه تــهــدد والرفيق ابــدا مـــن طـعـونه وفاه = كان الجيوب من الدنانير الحمر تملونها

لاتنتهي والعلم توه ماوصل في منتهاه ... عرضتها صلف الهبوب وشونكم من شونها
الرازق الله والله الوالي ولا غيره ايلاه ... والناس لاضاعت حوايجهم يبا يلقونها

صح لسانك ياسباح البحور على هالطاروق وتصبح على خير

الواصل رائق مزاجه بهذا الطاروق
اما سباح البحور شكله منزعج
على كلن شعرا وافين صحة السنتكم
تقبلو تعليقي وتقديري ودمتم بخير

الف شكر للجميع
صح لساان الشااعرين

اقتباس:
المشاركة الأصلية كتبت بواسطة سعود العجوني
الواصل رائق مزاجه بهذا الطاروق
اما سباح البحور شكله منزعج
على كلن شعرا وافين صحة السنتكم
تقبلو تعليقي وتقديري ودمتم بخير

بيض الله وجهك على تعليقك ومرورك العذب ويعلم اللله اني اغليك بس مدري ليه ماتدانيني هههههههههه