تعال ياسباح البحور
يامرحبا ترحيبة ن تمشي على كل اتجاه = الخير في مضمونها والشر في مضمونها سباح رجال شقردي بس مدري وش بلاه = يكف ليلي مايوقفها على مجنونها |
رد: تعال ياسباح البحور
نقول لك فيك البقا والنجم عانه في سماه ... مش المعاني مشها والي وراها دونها ...
قيس الملوح في زمانه عاش ماعشنا معاه ... له قصة ن نسمع بها قدام لاترونها |
رد: تعال ياسباح البحور
انا بصدري علم مايحتاج لفت الانتباه = ياللي تحفضون الوصايا الخمس لاتنسونها
اللي مضى في صفحة التاريخ مانطرد وراه = حنا نبي لامن عطيتو كلمة ن توفونها |
رد: تعال ياسباح البحور
لأتحسب الدنيا صيام وتحسب الدنيا صلاه ... زك الزكاة ولاتلفت فالعرب وضنونها
الي يومي في عصا الفتنة تبا تكسر عصاه ... من فوق راسه والفراعن ماعصو فرعونها |
رد: تعال ياسباح البحور
السالفه في ذمة اللي يعرف البير وغطاه = جاتك على وضح النقا ولون القمر من لونها
انــتــه تــهــدد والرفيق ابــدا مـــن طـعـونه وفاه = كان الجيوب من الدنانير الحمر تملونها |
رد: تعال ياسباح البحور
لاتنتهي والعلم توه ماوصل في منتهاه ... عرضتها صلف الهبوب وشونكم من شونها
الرازق الله والله الوالي ولا غيره ايلاه ... والناس لاضاعت حوايجهم يبا يلقونها |
رد: تعال ياسباح البحور
صح لسانك ياسباح البحور على هالطاروق وتصبح على خير
|
رد: تعال ياسباح البحور
الواصل رائق مزاجه بهذا الطاروق
اما سباح البحور شكله منزعج على كلن شعرا وافين صحة السنتكم تقبلو تعليقي وتقديري ودمتم بخير |
رد: تعال ياسباح البحور
الف شكر للجميع
صح لساان الشااعرين |
رد: تعال ياسباح البحور
اقتباس:
المشاركة الأصلية كتبت بواسطة سعود العجوني http://www.gazialbrak.com/vb/gk/buttons/viewpost.gif الواصل رائق مزاجه بهذا الطاروق اما سباح البحور شكله منزعج على كلن شعرا وافين صحة السنتكم تقبلو تعليقي وتقديري ودمتم بخير بيض الله وجهك على تعليقك ومرورك العذب ويعلم اللله اني اغليك بس مدري ليه ماتدانيني هههههههههه |
| الساعة الآن 09:29 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir