لاجيت افكر بالوجيه المفاليح = وفرقت بين الناس عالي و واطي
فكرّت بك ضمن الوجيه المشافيح = متقلطن ببساط ماهو بساطي
علاقتي وياك تحتاج توضيح = من شفت في بعض الامور اختلاطي
مثلك خطا يحتاج وقفه وتصحيح = بيّن مثل تفريق ماخذ وعاطي
ربيت من صغري على هبة الريح = ولبست لي ثوبن كمومه اخياطي
يوم انت تلعب في يديك المراجيح = انا انطح الضيفان وافرش سماطي
ماعابني لاصرت ظمن المجاريح = اغلا جروحي بين الاظلاع ساطي
العيب لاسقت القدم دون تصريح = وخليتها بدرب الرديين تاطي
والمشكله انك تحرث النار وتصيح = اركد قبل لافك عنك رباطي
خابرك ماتبعد قريب المراويح = زايد عن العالم بكثر الهياطي
اكبر طموحك لاتعطرت بالريح = تطلع تمشى بين شاطي وشاطي
عندي سؤال وخابرن فيه تجريح = لاكن ضروري تسمعه بأنبساطي
ارفعك بيدي للسما ترجع اطيح = قلي شسوي فيك لا صرت واطي .؟
******** type="text/**********">doPoem(0)***********
كالعادة للرائع ثامر شبيب
حاصل على ترخيص من وزارة الثقافه والاعلام السعودي
تحرث النار وتصيح
العرض الشجري