أنـا خويّـن خوّتـه معـك يغليـك

اقتباس:
المشاركة الأصلية كتبت بواسطة النمر1012

انا خوين خوته معك مغليك

ياليل سمراتـي معـك مغـرمٍ فيـك=فضّلت أنا مسامرك عن لـذّة النـوم
أنـا خويّـن خوّتـه معـك يغليـك=من شان سرٍ بيننـا صـار مكتـوم
سرٍ حصل ياليل مـن بيـن أياديـك=ومن طيب ذاتك صار له بيت وهدوم
لو ماحفظته كـان خلـف الشبابيـك=مابين هم .. وحزن .. والثالث اللوم
لكن حفظته حفـظ والحفـظ تكتيـك=ومن زود حفظك مابقاله سوى ارسوم
ياكبر طيبك كيف !؟ وشلون أجازيك=وألا الجـزا علّـي ياليـل ملـزوم
قال أنت طيّب واضحٍ مـن مباديـك=وأنا ترى طيبي على عرف واسلـوم
رح وانشد وتلقـى ارجـالٍ تنبّيـك=ورح للنهار !! يعلمك بأمس واليـوم
تلقى الخبر مافيـه ريبـه وتشكيـك=هذي علومي .. مابقى عندي اعلـوم
قلت اعرف اللي فيك من قبل اناجيك=ياخلقـة المعبـود زيّنـت بنـجـوم
خذني خويّن معـك دايـم يخاويـك=في خوته يجزاك والامـر مرسـوم
يبقى على طول الدهر مـا يخلّيـك=هذا عهـد منّـي مرتـب ومنظـوم
قال اقلط .. اقلط جعل ربي يحييـك=بس انتبه من بيننا لا يجي .. سـوم
خلك معي واحذر من ابليس يغويـك=تـراه يدخـل لالقـى شـق وثلـوم
ونروح بالرحلـة ويفـرح معاديـك=وينـذاع سـرٍ بالمواثيـق محـزوم
قلت ابشربعزّك صدق مـن مسمّيـك=بأسم أبو ساتر ياعسى الستر لك دوم

******** type="text/**********">doPoem(0)***********

الشاعر / خشمان الرشيدي

ياهلا والله وغلا تونور المنتدى بوجودك يالنمر 1012
عزالله انك اسم
على مسمى

سلم الله يمناك على النقل وصح الله لسان شاعرها واعتلا شانك وشانه

الشاعر خشمان بن نهار
شاعرجزل وللهو غريب الجزل منه ومنك
تقبل مروري
وسجل اعجابي بما تنقل يمناك يانمر

وتقبل تنسيقي