التصويت لقصائد الاعضاء

قصيدة ثويمر الاوله من صاحبي زله


ثويمرالعجوني

الاوله من صاحبـي زلـة ألسـان

تـروح مالقيتهـا ايـات قيـمـه

والثانيـه تقديـر لفـلان وفــلان

والثالثـه لـربـع قدروحشيـمـه

بعد الثلاث يصير لرجـل برهـان

عند الرجال أهل العقول الحكيمـه

الرابعـه ميزلهـا غيـر جـابـان

ضعيف مايقـدر يقابـل خصيمـه

وانأ صبرت وكل صبري على شان

مايفرحـون مروجيـن النميـمـه

أهل النفاق اللي تجي بين الأخـوان

تخلف نوايا أهل النوايـا السليمـه

هذاء تراه اشعار لنسـان غلطـان

لاتصير غلطاته معـي مستديمـه

بعض الرجال انسان في قلب حيوان

مخلوق شكـل انسـان وهوبهيمـه

يالغاوي اللي لاعبن فيـك شيطـان

حطك رديفله علـى شـداد ريمـه

ماهوعذر قول الخطاء طبع الإنسان

عذرك ماهو مقنع يمـال الغنيمـه

وانأ عطيتك علم وللعلـم عنـوان

تذكيرفـي كـل الخطايـا القديمـه

مافيه سر اقولهـا جهـر وعـلان

الله عطانـي قوبـاس وعزيـمـه

والله ماني عن ملاقـاك عجـزان

مير الرجل شرهات ربعه تظيمـه

صد وتوجه مع وسيعات الاوطـان

قبل أتضايق ورتكب بـك جريمـه