والله لا أساوي الحاكم مع الراعي

أنا لو أبغي أشب الكون لاشبّه
لذعة عصا من يديني تلهب القاعي
لعيون منهو تغلّا لأني آحبّه
والله لا أساوي الحاكم مع الراعي
لبّيت ياسكر الإحساس ياقبّه
ياترف يانسمةٍ من بين الأضلاعي
لفيتني لفّت الغرنوق لا هبّه
زاد الغلا والمطالب قبل الأطماعي
اعطيتك القلب طالبك إتلاعب بّه
محتاج للسلهمه لو مالها داعي
لذّة مشاعر على جيّت ذرى الحبّه
تطحن غموضي وترخص كل من باعي
الله جمعنا وهوه ربّي وربّه
والناس متساويه أشكال وأنواعي
لو جات أشواقي اللي قلت مقتلبه
جمعت ذلّي مع فرحات الأسناعي
مافيه داعي تلاحق قومنا سبّه
طبع التّرفّع رقا من فوق الأطباعي
لا من طرالك هجر ياقلبي فنبّه
الموت هيّن على هجره ولا طاعي