بهب في عااااااالم اطيااافك )مجبور العبسي(

عــزاه يــا هــمٍ لـجـا بـيـن الاضــلاع
هـمٍ يـمـزع سـتـرت الـجـوف تمـزيـع
هـــمٍ يقلـبـنـي عـلــى كـــل الانـــواع
ليمـا غــدت ليـحـان صــدري لعالـيـع
القلـب مجـروح ومـن الـهـم منـصـاع
كمـا يـصـوع الصـيـد حــر المرافـيـع
حــراً مخاليـبـه عـلـى الصـيـد بـتــاع
اليـا اعتـرض لـه خـرب يلفعـه تلفيـع
عليـك يـا اللـي هلـت العيـن الادمــاع
وزادت هـمـومٍ بالضـمـايـر مـواجـيـع
ملكـتـنـي واقـفـيـت والـقـلـب مـلـتـاع
مالـك ورى تعذيـب روحـي منافيـع.!؟
فارقتـنـي وانــا اطـلـب الله الاجـمــاع
بينـي وبينـك يــا بعـيـد المرابـيـع ..!
اسهر من اجلك واكتب الشعـر ببـداع
ماجيـبـهـا هـزلــه ولاهـــي بتجـمـيـع
اكتـب لـك اشعـاري كمـا الولـو لمـاع
ماهـي سـوات الشمـع بالنـار وتمـيـع
يـا فاقـد الاحسـاس مــال الهـجـر داع
جرحتنـي / وخليتنـي / للمـلاويـع..!؟
ارسلت لك / وانا انتظر منك الاسناع
ولا شفـت منـك الا صــدود وتمانـيـع
لا اظلـم سـواد الليـل والنـاس هـجـاع
قـامـت تـــوارد لـوعـتـي والتفـاجـيـع
هم / وغرابيل / وهواجيس / واوجاع
دايـم علـى روحــي مقـافـي مراجـيـع
اصفـق بكفـاً كـف واعـض الاصـبـاع
وضيقات صدري جالهـا بالحشـا ريـع
ابكـي واحـس بداخـل القلـب الاوجـاع
وعيـنـي تـهـل الـدمـع مـثـل الينابـيـع
خليـت معـلـوق الحـشـا مـنـك مـنـلاع
وهمـي بجوفـي ينـزع الـروح تنـزيـع
حفظـت لـك عهـد المحـبـه ولا ضــاع
ارخصت لـك روحٍ عزيـزه ولا بيـع!!
حاولت اسلي خاطـري عنـك مـا طـاع
تلفـي عـلـي اشــواق قلـبـي مفـازيـع
الشوق قاسي وفـج بالصـدر مصـراع
جــارت عـلـى قلـبـي هـمـومٍ دوافـيـع
واليـوم حبَـك بدفنـه فـي ثـرى الـقـاع
لو القلـب يعصانـي بحبـك فـلا طيـع!؟
مانـي مــن الـلـي / للمقفـيـن / تـبـاع
متبعـك لـو عميـت عيـون ٍ مداميـع
الحـب لـو كانـت افجـوجـه / اوســاع
لابـــد تـأتـيـك النـهـايـه بـتـوديـع..!؟