مشكور يا غازي على هالزياره

ان كان في عـرف النشامـا تجـاره .....انا ربحـت بـزود مـن دون نقصـان
مشكور يـا غـازي علـى هالزيـاره..... شخصك يشرّف حفلنا وين ما كان
نـفـرح إلــى شفـنـاك تــاره وتــاره ....ونـفـز لــك فــزّة مـعـزّب لضيـفـان
ماهي غريبه وانـت راع الصـداره .....مضرب مثل بين الوفيين لك شـان
واللي عزل ليل الدجى عـن نهـاره..... انك عزيز وقـدرك اكبـر مـن آبـان
شرّفت عبس اهل الوفاء والوقاره .....وسّـامـة الكـفّـه طليقـيـن الايـمـان
تمت عسى الحربـي يجيـد اختيـاره .....مع عود كمبودي ولؤلـؤ ومرجـان


صح السانك يابو مازن وانتم اهل الوفاء والطيب والكرم لقد عشت مع قبيلة حرب اكثر من ثلاثة عشر سنه ولم اجد منهم الا مايسر الخاطر من كرم وطيب وكل العلوم الطيبه
اكرر شكري لك يابو مازن وبو يوسف يستاهل كل خير