ابيات شعر فيها من النصح والحكمه
ياقلبي لا تكثر عليه شطونك .....أشقيتِ حالي في سعادتك وارضاك
لك مدةٍ ياقلب ِ كثرت لحونك....ولانيب واللهِ داري عنك وش جاك
إن طعتني فالناس لايسمعونك ....واسمع كلام محب لك يوم وصاك
ترى العرب في سجتك ينقدونك.. واستح من العاقل ولوشفته اغلاك
ياقلب حب الناس لا يبغضونك... واصبر على الجاهل اليا من تبلاك
ومطارد المقفين لايتعبونك ......... انسه مدام انه من القلب ينساك
الناس سايرهم ولو يزعلونك .. واصبر على جارك ولو شفته اذاك
بالخير ملزوم العرب يذكرونك .. واوزن قدم رجلك على قدرة خطاك
واحذر تجي في مجلسٍ ما يبونك ....... لوكان منهم واحدٍ قام حياك
واتعب لفعل الطيب للي يجونك ... وعامل عميل الطيب بالطيب لاجاك
واصبر على المقسوم والله بعونك ... ولا بد ماتجري صواديف دنياك
واليا مشيت الدرب فتح عيونك .. واسلك طريق الحق والرب ما اغواك
منقول
آخر تعديل ابو يزيد يوم 01-26-2012 في 10:01 PM.
|
حاصل على ترخيص من وزارة الثقافه والاعلام السعودي
العرض المتطور
