لو الأماني تعطي الرجـال كـل اللـي يبيـه
مانمسـي الا والطموحـات الكبـار مسنّعـه
ولو الظروف تروف واللي يبتلي تحسن اليه
ماكان في كل أربعة أشخاص يِبْلـون أربعـه
هذي حياه يعق بعض الناس فيهـا والديـه
والبعض الآخر لاقطعه أقصى المخاليق افجعه
ياليت تجرا ياخفوق تقول وش حنّـا عليـه
اللي معذّبنا نجـي ضـدّه أو نوقّـف معـه
الوقت مثل الكلمه العوجا على لسان السّفيـه
ميتين في الميّه لها ربكـه وتحـدث قرقعـه
قد قالها راعي المثل وأنا أجزم ان رايه وجيه
الوقت مثل السيف أمـا يقطعـك أو تقطعـه
هذي ثلاث مْن العمر مالَمْسَت ايديني يديـه
ولاقدرت آخذ من لسانه أوأطـرق مسمعـه
أحط عيني في عيونه واستشف الشوق فيـه
وأقصى حدوده لانوى التعبير /تحريك اصبعه
حاصل على ترخيص من وزارة الثقافه والاعلام السعودي
رد: عـذب القـصيد _ قصآئد مختاره _ ابيات رائعه _متجدد
العرض الشجري